ନୂଆଦିଲ୍ଲୀ,୨୬ ।୯: ସେଣ୍ଟ୍ରାଲ ଭିଷ୍ଟା ଭଳି ଆମର ନୂଆ ସଂସଦ ଭବନ ବା ପାର୍ଲାମେଣ୍ଟ ହାଉସରେ କଳା ସଂସ୍କୃତିର ଅଦ୍ଭୁତ ଝଲକ ଦେଖିବାକୁ ମିଳିବ । ନୂଆ ସଂସଦ ଭବନର କାନ୍ଥରେ ବେଦ ପୁରାଣର ଶ୍ଳୋକ ଖୁବ ସୁନ୍ଦର ଓ କଳାତ୍ମକ ଶୈଳିରେ ଖୋଦିତ କରାଯିବ । ଏଠାରେ ସ୍ଥାନେ ସ୍ଥାନେ ବଡ ବଡ ଇନଷ୍ଟଲେଶନ, କଳାକୃତି ଓ ଦେଶର ଭିନ୍ନ ଭିନ୍ନ ଭାଗର ଲୋକ ଓ ଲୋକ ପାରମ୍ପରିକ କଳାର ଝଲକ ଦେଖିବାକୁ ମିଳିବ ।
ଏହି ନୂଆ ସଂସଦ ଭବନର କଳାତ୍ମକ ସାଜସଜ୍ଜା କାମ ମୁଖ୍ୟ ଭାବେ ଇନ୍ଦିରା ଗାନ୍ଧୀ ରାଷ୍ଟ୍ରୀୟ କଳା କେନ୍ଦ୍ର(ଆଇଜିଏନସିଇ) ଓ ନ୍ୟାଶନାଲ ଗ୍ୟାଲେରୀ ଅଫ୍ ମର୍ଡନ ଆର୍ଟ(ଏନଜିଏମଏ)କୁ ଦିଆଯାଇଛି । ଏନଜିଏମଏର ସଦସ୍ୟ ସଚିବ ଡା. ସଚ୍ଚିଦାନନ୍ଦ ଯୋଶୀ କହିଛନ୍ତି ନୂଆ ସଂସଦ ଭବନର ସମ୍ପୂର୍ଣ୍ଣ ପରିକଳ୍ପନା ଆମେ ଏମିତି ଭାବେ କରିଛୁ ଯେଉଁଥିରେ ଦେଶର କଳା ଓ ସଂସ୍କୃତିକୁ ଅତି ପାଖରୁ ବୁଝିହେବ ଓ ଅନୁଭବ କରିହେବ । ସେଥିପାଇଁ ସେ ଲାଗାତାର କାର୍ଯ୍ୟ ଓ ସାଜସଜ୍ଜାର ନିରିକ୍ଷଣ କରୁଛନ୍ତି ଓ ଚେଷ୍ଟା କରାଯାଉଛି ନିର୍ଦ୍ଧାରିତ ସମୟରେ ସବୁ କାମ ଶେଷ କରିବାକୁ ।
