ନୂଆଦିଲ୍ଲୀ,୧୯।୪: କେନ୍ଦ୍ର ସରକାର ଅଷ୍ଟମ ବେତନ ଆୟୋଗର ଘୋଷଣା ପରେ ଏକ ବଡ଼ ପଦକ୍ଷେପ ଗ୍ରହଣ କରିବାକୁ ଯାଉଛନ୍ତି। ଏହି ଆୟୋଗର କାର୍ଯ୍ୟକୁ ତ୍ୱରାନ୍ବିତ କରିବା ପାଇଁ ମୋଦି ସରକାର ୩୫ଟି ଗୁରୁତ୍ୱପୂର୍ଣ୍ଣ ପଦବୀରେ ନୂଆ ନିଯୁକ୍ତି କରିବାର ଯୋଜନା କରୁଛନ୍ତି। 8th Pay Commission ଏହା ସରକାରୀ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ଏକ ମହତ୍ତ୍ୱପୂର୍ଣ୍ଣ ଖବର ଭାବେ ବିବେଚନା କରାଯାଉଛି।
8th Pay Commission ସରକାରଙ୍କ ଘୋଷଣା ଅନୁଯାୟୀ, ଅଷ୍ଟମ ବେତନ ଆୟୋଗ ୨୦୨୬ ଜାନୁଆରୀ ୧ ତାରିଖରୁ କାର୍ଯ୍ୟକାରୀ ହେବ। ଏହି ଆୟୋଗ କେନ୍ଦ୍ରୀୟ କର୍ମଚାରୀଙ୍କ ବେତନ, ଭତ୍ତା ଏବଂ ପେନସନ ସଂସ୍କାର ପାଇଁ ସୁପାରିଶ ପ୍ରସ୍ତୁତ କରିବ। ଏହା ପ୍ରାୟ ୫୦ ଲକ୍ଷ କେନ୍ଦ୍ରୀୟ କର୍ମଚାରୀ ଏବଂ ୬୫ ଲକ୍ଷ ପେନସନଭୋଗୀଙ୍କୁ ପ୍ରଭାବିତ କରିବ। ନୂଆ ନିଯୁକ୍ତି ସମ୍ପର୍କରେ ସୂଚନା ଅନୁଯାୟୀ, ଏହି ୩୫ଟି ପଦବୀ ଆୟୋଗର କାର୍ଯ୍ୟକୁ ସୁଗମ କରିବା ଏବଂ ସୁପାରିଶ ପ୍ରସ୍ତୁତିରେ ସହାୟକ ହେବ। ବିଶେଷଜ୍ଞମାନେ କହୁଛନ୍ତି ଯେ ଏହି ନିଯୁକ୍ତି ଆୟୋଗର ସମୟସୀମା ମଧ୍ୟରେ ସୁପାରିଶ ପ୍ରଦାନ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ।
8th Pay Commission ଅଷ୍ଟମ ବେତନ ଆୟୋଗରେ ଫିଟମେଣ୍ଟ ଫ୍ୟାକ୍ଟର ୧.୯୨ରୁ ୨.୮୬ ମଧ୍ୟରେ ରହିବାର ସମ୍ଭାବନା ରହିଛି, ଯାହା କର୍ମଚାରୀଙ୍କ ବେତନରେ ୨୫ରୁ ୩୫ ପ୍ରତିଶତ ବୃଦ୍ଧି ଆଣିପାରେ। ଏହା ସହିତ ମହଙ୍ଗା ଭତ୍ତା (DA), ଗୃହ ଭ ଭତ୍ତା (HRA) ଏବଂ ଯାତ୍ରା ଭତ୍ତା (TA) ଆଦିରେ ମଧ୍ୟ ବୃଦ୍ଧି ହେବାର ଆଶା ରହିଛି। ଏହି ଘୋଷଣା କେନ୍ଦ୍ରୀୟ କର୍ମଚାରୀଙ୍କ ମଧ୍ୟରେ ଉତ୍ସାହ ସୃଷ୍ଟି କରିଛି। ତେବେ, ଆୟୋଗର ସୁପାରିଶ ପ୍ରସ୍ତୁତ ହେବାକୁ ୧୫ରୁ ୧୮ ମାସ ଲାଗିପାରେ ବୋଲି କୁହାଯାଉଛି।
