ପାଟଣା, ୨୧।୯,(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ରେଞ୍ଜ କର୍ମଚାରୀଙ୍କୁ ବଡ ସଫଳତା ମିଳିଛି। ବିଶସ୍ତ ସୂତ୍ରରୁ ଖବର ପାଇ କେନ୍ଦୁଝର ଡି ଏଫ ଓ ଧନରାଜ ହାନୁମନ୍ତ ଧାମଧେରଙ୍କ ନିର୍ଦ୍ଦେଶ କ୍ରମ ପାଟଣା ରେଞ୍ଜର ଆର୍ତ୍ତ ତ୍ରାଣ ମିର୍ଦ୍ଧା ରବିବାର ବିଳମ୍ବିତ ରାତ୍ରୀରେ ମଲ୍ଲି ପୋଷିରୁ ଏକ ଗୋରୁ ବୋଝେଇ ପିକ ଅପକୁ ପାରା ଷ୍ଟାଫଙ୍କ ସହ ଫଲୋ କରି ତେଲିପଡ଼ା ନିକଟରେ ଗାଡ଼ିକୁ ଧରିବାକୁ ସଫଳ ହୋଇଥିଲେ। ଅଞ୍ଚଳରେ ବେଆଇନ ଭାବେ ଗୋରୁ ପରିବହନ କରାଯାଉଥିବା ସୂଚନା ପାଇ ବନ ବିଭାଗ ପକ୍ଷରୁ ଚଢ଼ାଉ କରାଯାଇ ଏକ ପିକଅପ ଗାଡ଼ି ଜବତ କରାଯାଇଛି। ଗାଡ଼ିରୁ ୯ଟି ଗୋରୁ ଉଦ୍ଧାର କରାଯିବା ସହ ଏହି ଘଟଣାରେ ସମ୍ପୃକ୍ତ ଥିବା ଅଭିଯୋଗରେ ୨ ଜଣଙ୍କୁ ଧରି ବନ ବିଭାଗ ସାହାରପଡ଼ା ଫାଣ୍ଡି ପୁଲିସ ଜିମା ଦିଆଯାଇଛି। ଅଟକ ଗୋ ମାଫିଆ ହେଇଛନ୍ତି ଯଶିପୁର ଥାନା ପୁରୁଣା ବଜାରର ମହମ୍ମଦ ମେହେ ଫୁଜ ଆଲମଙ୍କ ୧୬ବର୍ଷର ନାବଳ ଓ
ଓ ମୟୁରଭଞ୍ଜ ଜିଲା ହାଟ ବଟଳା ଥାନା ଚିଙ୍ଗୁଡ଼ି ପୋଖରୀ ଗ୍ରାମର ନିଶାର ଅହମ୍ମଦ। ବନ ବିଭାଗର ସୂଚନା ଅନୁଯାୟୀ, ୨୦ ତାରିଖ ରାତି ପ୍ରାୟ ୧୧ଟାରେ ପାଟଣା ରେଞ୍ଜରଙ୍କୁ ପାଟଣା ରେଞ୍ଜ ଅଞ୍ଚଳରେ କାଠ ଓ ଗୋରୁ ବେଆଇନ ପରିବହନ ହେଉଥିବା ନେଇ ସୂଚନା ମିଳିଥିଲା। ଏହାପରେ ରେଞ୍ଜରଙ୍କ ନେତୃତ୍ୱରେ ବନ କର୍ମଚାରୀମାନେ ନଜର ରଖିଥିଲେ। ମଲ୍ଲିପୋଷି ନିକଟରୁ ସନ୍ଦେହଜନକ ପିକଅପ ଗାଡ଼ିକୁ ପିଛା କରି ସାହାରପଡ଼ା ବ୍ଲକ ତେଲି ପଡ଼ା ଠାରେ ଅଟକାଇ ଜବତ କରାଯାଇଥିଲା।
ଗାଡ଼ିରୁ ୯ଟି ଗୋରୁ ଉଦ୍ଧାର କରାଯିବା ସହ ଗାଡ଼ିକୁ ମଧ୍ୟ ଜବତ କରାଯାଇଛି। ଧରାପଡ଼ିଥିବା ୨ ଜଣଙ୍କୁ ଆବଶ୍ୟକ ଆଇନଗତ କାର୍ଯ୍ୟାନୁଷ୍ଠାନ ପାଇଁ ସାହାରପଡ଼ା ଥାନାକୁ ହସ୍ତାନ୍ତର କରାଯାଇଛି। ଘଟଣାର ଅଧିକ ତଦନ୍ତ ଚାଲିଛି।
