ବିଲେଇମାନେ ଏତେ ସୁନ୍ଦର ଯେ, ସମସ୍ତେ ସେମାନଙ୍କୁ ଘରେ ରଖିବାକୁ ପସନ୍ଦ କରନ୍ତି। ବେଳେବେଳେ ଏମାନେ ମଣିଷ ପରି ଆରଚଣ ଦେଖାଇଥାନ୍ତି। ଯାହା ଆଶ୍ଚର୍ଯ୍ୟ ଲାଗେ। ଏବେ ସେମିତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯାହାକୁ ଦେଖିଲେ ଆଖି ଲାଖିଯିବ।
ବନ୍ୟଜନ୍ତୁ ଭାଇରାଲ ସିରିଜର ଟୁଇଟର ଆକାଉଣ୍ଟ @buitengebiedenରେ ଶେୟାର କରାଯାଇଥିବା ଭିଡିଓରେ ଏକ ବିଲେଇ କୁମ୍ଭାର ହେବାକୁ ଚେଷ୍ଟା କରୁଛି। କୁମ୍ଭାର ପାଟିପାତ୍ର ଗଢ଼ିବାରେ ବ୍ୟସ୍ତ। ଏହି ସମୟରେ ବିଲେଇଟି ଲକ୍ଷ୍ୟ କରୁଛି। ତା’ ପରେ ଖୁବ୍ ଧ୍ୟାନର ସହିତ ଚକ ବୁଲାଇ ସେ ପାଟିପାତ୍ର ତିଆରି କରୁଛି। କୁମ୍ଭାର ମଧ୍ୟ ବିଲେଇର ଏପରି କଳା କୌଶଳ ଦେଖି ସେ ମାଟିପାତ୍ର ଗଢ଼ିବା ଛାଡ଼ି ଦେଇ ବିଲେଇର କାର୍ଯ୍ୟକୁ ଲକ୍ଷ୍ୟ କରୁଛନ୍ତି।
ଏହି ଭିଡିଓକୁ ୨.୯୦ ଲକ୍ଷ ଲୋକ ଦେଖିସାରିଲେଣି। ଅନେକ ୟୁଜର ବିଲେଇ ସହ ମାଟିପାତ୍ର ତିଆରି କରିବାକୁ ଇଚ୍ଛା ପ୍ରକାଶ କରିଛନ୍ତି। ଜଣେ ୟୁଜର କହିଛନ୍ତି, ମୁଁ ବି ଏମିତି ପାଟିପାତ୍ର ଗଢ଼ିବାକୁ ଚାହୁଁଛି। ସେହିପରି ଅନ୍ୟ ଜଣେ ୟୁଜର କହିଛନ୍ତି, ବିଲେଇ କୁମ୍ଭାର ହେବାକୁ ଚେଷ୍ଟା କରୁଛି।
