କେସିଙ୍ଗା,୩।୫(ତୁମେଶ୍ୱର ସାହୁ): ମେ’ ୧୩ରେ ଓଡ଼ିଶରେ ପ୍ରଥମ ପର୍ଯ୍ୟାୟ ଭୋଟ। ନିଜ ନିଜ ପସନ୍ଦର ପ୍ରାର୍ଥୀଙ୍କୁ ଭୋଟ ଦେବେ କଳାହାଣ୍ଡି ଲୋକସଭା ଏବଂ ବିଧାନସଭା ନିର୍ବାଚନ ମଣ୍ଡଳୀର ଭୋଟର। ଗଣତନ୍ତ୍ରର ଏହି ମହାପର୍ବକୁ ନେଇ ଜନସାଧାରଣ ବେଶ୍ ଉତ୍ସାହିତ। ଏହି ପରିପ୍ରେକ୍ଷୀରେ ନର୍ଲା ବିଧାନସଭା ନିର୍ବାଚନ ମଣ୍ଡଳୀର କେସିଙ୍ଗା ବ୍ଲକରେ ପ୍ରଚାର ମଇଦାନ କମ୍ପୁଛି। ବିଭିନ୍ନ ରାଜନୈତିକ ଦଳର ପ୍ରାର୍ଥୀମାନେ ନିର୍ବାଚନୀ ରଣାଙ୍ଗନରେ ଓହ୍ଲାଇଛନ୍ତି। ହେଲେ ନର୍ଲା ନିର୍ବାଚନ ମଣ୍ଡଳୀ ବିଜେଡ଼ି ପ୍ରାର୍ଥୀ ମନୋରମା ମହାନ୍ତି ବେଲଖଣ୍ଡି ଧବଳେଶ୍ୱର ଶୈବ ପୀଠ ଅଞ୍ଚଳରେ ନିର୍ବାଚନ ପ୍ରଚାର ଜୋର୍ଦାର କରିଛନ୍ତି।
ଏପରି କି କଳାହାଣ୍ଡି ଲୋକସଭା ପ୍ରାର୍ଥୀ ଲମ୍ବୋଦର ନିଆଲ ଏବଂ ନର୍ଲା ବିଧାୟିକା ପ୍ରାର୍ଥୀ ମନୋରମା ମହାନ୍ତି ବେଲଖଣ୍ଡି ସ୍ଥିତ ଧବଳେଶ୍ବର ବାବା ଓ ମହାମାୟା ଚଣ୍ଡୀଙ୍କ ନିକଟରେ ପୂଜାର୍ଚ୍ଚନା କରିବା ସହ ଆଶୀର୍ବାଦ ଭିକ୍ଷା କରି ପ୍ରଚାର ଆରମ୍ଭ କରିଥିଲେ। ଶଙ୍ଖ ହେଉଛି ବିକାଶର ଚିହ୍ନ, ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକଙ୍କୁ ଷଷ୍ଠ ଥର ମୁଖ୍ୟମନ୍ତ୍ରୀ କରିବା ପାଇଁ ଆଶୀର୍ବାଦ କରିବାକୁ ଉଭୟ ପ୍ରାର୍ଥୀ ଜନତାଙ୍କୁ ନିବେଦନ କରିଥିଲେ
ଯୋଡ଼ି ଶଙ୍ଖରେ ବିଜେଡ଼ିର ଏମ୍ପି ଓ ବିଧାୟକ ପ୍ରାର୍ଥୀଙ୍କୁ ଭୋଟ ଦେଇ ଜୟଯୁକ୍ତ କରିବାକୁ ପାଇଁ ଉଭୟେ ଭୋଟ ଭିକ୍ଷା କରିଥିଲେ। ପ୍ରଚଣ୍ଡ ଗ୍ରୀଷ୍ମପ୍ରବାହ ସତ୍ତ୍ୱେ ପ୍ରାର୍ଥୀ ଗାଁକୁ ଗାଁ ଯାଇ ଭୋଟ୍ ମାଗୁଛନ୍ତି।
ଉଭୟୀ ପ୍ରାର୍ଥୀ ନର୍ଲା ନିର୍ବାଚନ ମଣ୍ଡଳୀ କେସିଙ୍ଗା ବ୍ଲକ ଅଧୀନ ବେଲଖଣ୍ଡି, ହାତିଖୋଜ, ର୍ସିଜାପାଲି, ତୁଣ୍ଡଳାଓ ତୁର୍ଲାଖମନ ଆଦି ୫ଟି ପଞ୍ଚାୟତର ବିଭିନ୍ନ ଗାଁ ସହ ଘରକୁ ଘର ବୁଲି ଭୋଟ ଭିକ୍ଷା କରିଥିଲେ। ଏଥିରେ ଅନ୍ୟମାନଙ୍କ ମଧ୍ୟରେ ବିଜେଡି ପର୍ଯ୍ୟବେକ୍ଷକ ଭବାନୀଶଙ୍କର ନିଆଲଙ୍କ ସମେତ ଅଞ୍ଚଳର ତୃଣମୂଳ ସ୍ତରୀୟ କର୍ମକର୍ତ୍ତା ଏବଂ କର୍ମୀ ଉପସ୍ଥିତି ଥିଲେ।
