ଓଟାଓ୍ବା,୭।୩: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କାନାଡା ଉପରେ ଟାରିଫ୍ ଘୋଷଣା କରିଛନ୍ତି। ଯାହା ପରେ କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କୁ ଭାବପ୍ରବଣ କରିଦେଇଛି ଏବଂ ସେ କ୍ୟାମେରା ସାମ୍ନାରେ କାନ୍ଦୁଥିବାର ଏକ ଭିଡିଓ ସାମ୍ନାକୁ ଆସିଛି।
କାନାଡାର ପ୍ରଧାନମନ୍ତ୍ରୀ ଭାବରେ ତାଙ୍କର ଶେଷ ଗଣମାଧ୍ୟମ ବ୍ରିଫିଙ୍ଗ୍ରେ, ଟ୍ରୁଡୋ ଭାବପ୍ରବଣ ହୋଇଯାଇଛନ୍ତି ଏବଂ ତାଙ୍କ ୯ ବର୍ଷର କାର୍ଯ୍ୟକାଳ ଏବଂ ଡୋନାଲ୍ଡ ଟ୍ରମ୍ପ ପ୍ରଶାସନ ଦ୍ୱାରା ଲାଗୁ କରାଯାଇଥିବା ଟାରିଫ୍ ବିଷୟରେ କହିବା ସମୟରେ ତାଙ୍କ ଆଖିରୁ ଲୁହ ବାହାରି ଆସିଥିଲା। ଜାନୁଆରୀରେ ଇସ୍ତଫା ଘୋଷଣା କରିଥିବା ଟ୍ରୁଡୋ କାନାଡିଆନଙ୍କୁ ପ୍ରାଥମିକତା ଦେବା ପାଇଁ ତାଙ୍କର ପ୍ରତିବଦ୍ଧତାକୁ ଦୋହରାଇଛନ୍ତି।
ଟ୍ରୁଡୋ କହିଛନ୍ତି, ନିଶ୍ଚିତ କରିଛି ଯେ ଏହି କାର୍ଯ୍ୟାଳୟରେ ପ୍ରତିଦିନ ମୁଁ କାନାଡିଆନମାନଙ୍କୁ ପ୍ରଥମେ ରଖିବି। ସେଥିପାଇଁ ମୁଁ ଏଠାରେ ଆପଣଙ୍କୁ କହିବାକୁ ଆସିଛି ଯେ ଆମେ ଆପଣଙ୍କ ସହିତ ଅଛୁ। ଏହି ସରକାରଙ୍କ ଶେଷ ଦିନରେ ମଧ୍ୟ, ଆମେ କାନାଡିଆନମାନଙ୍କୁ ନିରାଶ କରିବୁ ନାହିଁ। ଆପଣଙ୍କୁ କହି ରଖୁଛୁ ଯେ ଶାସକ ଲିବରାଲ ପାର୍ଟି ନୂତନ ନେତା ଚୟନ କରିବା ପରେ ଜଷ୍ଟିନ ଟ୍ରୁଡୋ ଏହି ରବିବାର ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବେ।
ପ୍ରଧାନମନ୍ତ୍ରୀ ଭାବରେ ତାଙ୍କର ଶେଷ ମିଡିଆ ବ୍ରିଫିଙ୍ଗ୍ ସମୟରେ, ଟ୍ରୁଡୋ ଏକ ଜ୍ୱଳନ୍ତ ଭାଷଣ ଦେଇଥିଲେ ଏବଂ କାନାଡିଆନମାନଙ୍କ ମଧ୍ୟରେ ଏକତା ଉପରେ ଗୁରୁତ୍ୱାରୋପ କରିଥିଲେ। ଏହା ସହିତ ସେ ଟ୍ରମ୍ପଙ୍କ ଟାରିଫ୍ ଧମକ ଏବଂ କାନାଡାର ମିଶ୍ରଣ ବିଷୟରେ ବୟାନବାଜି ଯୋଗୁ ଆଗାମୀ କଷ୍ଟକର ସମୟ ବିଷୟରେ ମଧ୍ୟ ଚେତାବନୀ ଦେଇଥିଲେ। ସେ ଟ୍ରମ୍ପଙ୍କୁ କାରବାର ବୃଦ୍ଧି ପାଇଁ ମଧ୍ୟ ଟାର୍ଗେଟ କରିଥିଲେ ।
NEW: Canadian Prime Minister Justin Trudeau starts crying in front of reporters.
Pathetic.
“I’ve made sure that every single day in this office, I put Canadians first, that I have people’s backs.”
“And that’s why I’m here to tell you all that we got you. Even in the very last… pic.twitter.com/3v2pUrt4EN
— Collin Rugg (@CollinRugg) March 6, 2025
