ନୂଆଦିଲ୍ଲୀ,୩୧।୧: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଅଭିଭାଷଣରୁ ସଂସଦର ବଜେଟ୍ ଅଧିବେଶନ ମଙ୍ଗଳବାର ଆରମ୍ଭ ହୋଇଛି। ସଂସଦର ମିଳିତ ସଦନକୁ ସମ୍ବୋଧିତ କରି ରାଷ୍ଟ୍ରପତି କହିଛନ୍ତି, ଆମକୁ ଏପରି ଏକ ଭାରତ ଗଠନ କରିବାକୁ ହେବ, ଯେଉଁଥିରେ ଅତୀତର ଗୌରବ ଥିବ। ଦାରିଦ୍ର୍ୟ ନ ଥିବ। ଯୁବକମାନେ ସମୟଠାରୁ ଦୁଇ ପାଦ ଆଗରେ ଥିବେ। ୨୦୪୭ ସୁଦ୍ଧା ଏକ ସ୍ବର୍ଣ୍ଣିମ ଭାରତ ଗଢିବାର ଅଛି।
ମୋର ସରକାର ରାଷ୍ଟ୍ର ନିର୍ମାଣର କର୍ତ୍ତବ୍ୟ ପାଳନ କରିବାରେ ନିୟୋଜିତ ଅଛନ୍ତି। ଆଜି ଭାରତରେ ଏପରି ଏକ ସରକାର ଅଛି, ଯିଏ ସ୍ବପ୍ନକୁ ପୂରଣ କରେ, ସଚ୍ଚୋଟତାକୁ ଅନୁସରଣ କରେ। ଦାରିଦ୍ର୍ୟର ସ୍ଥାୟୀ ସମାଧାନ ଏବଂ ସଶକ୍ତିକରଣ ପାଇଁ ମୋ ସରକାର କାର୍ଯ୍ୟ କରୁଛନ୍ତି। ସରକାର ଜନ କଲ୍ୟାଣକୁ ପ୍ରାଧାନ୍ୟ ଦେବା ସହ ପ୍ରକୃତିର ଯତ୍ନ ନେଉଛନ୍ତି। ଆଜି ଭାରତରେ ସରକାର ଆଧୁନିକତାକୁ ପ୍ରୋତ୍ସାହିତ କରୁଥିବାବେଳେ ଐତିହ୍ୟ ମଧ୍ୟ ରକ୍ଷା କରୁଛନ୍ତି।
ଆଧୁନିକ ଭିତ୍ତିଭୂମି ଯାହା ଆମେ ପୂର୍ବରୁ ଚାହୁଁଥିଲୁ, ଆଜି ତାର ନିର୍ମାାଣ କାର୍ଯ୍ୟ ଆରମ୍ଭ ହୋଇଛି। ଆଜି ଭାରତରେ ଏଭଳି ଏକ ଡିଜିଟାଲ ନେଟୱାର୍କ ସୃଷ୍ଟି ହୋଇଛି, ଯେଉଁଥିରୁ ସମଗ୍ର ବିଶ୍ୱ ପ୍ରେରଣା ନେଉଛି। ସେଥିପାଇଁ ଆମେ ବିଶ୍ୱର ପଞ୍ଚମ ବୃହତ୍ତମ ଅର୍ଥନୀତି ହୋଇପାରିଛୁ।
ବିକାଶର ପଥ ଅନୁସରଣ କରି ମୋ ସରକାର କିଛି ଦିନ ମଧ୍ୟରେ ନଅ ବର୍ଷ ପୂରଣ କରିବ। ମୋ ସରକାରର ପ୍ରାୟ ନଅ ବର୍ଷ ମଧ୍ୟରେ ଭାରତର ଲୋକମାନେ ପ୍ରଥମ ଥର ପାଇଁ ଅନେକ ପରିବର୍ତ୍ତନ ଦେଖିଛନ୍ତି। ଏଥି ମଧ୍ୟରୁ ସବୁଠୁ ବଡ଼ ହେଉଛି, ପ୍ରଥମ ଥର ପାଇଁ ଭାରତର ଆତ୍ମବିଶ୍ୱାସ ଶୀର୍ଷରେ ରହିଛି। ଯେଉଁ ସମସ୍ୟାର ସମାଧାନ ପାଇଁ ଭାରତ ପୂର୍ବରୁ ଅନ୍ୟମାନଙ୍କ ଉପରେ ନିର୍ଭରଶୀଳ ଥିଲା। ଆଜି ସେ ଅନ୍ୟମାନଙ୍କ ସମସ୍ୟାର ସମାଧାନ ପାଲଟିଛନ୍ତି।
ବିକାଶର ପଥ ଅନୁସରଣ କରି ମୋ ସରକାର କିଛି ଦିନ ମଧ୍ୟରେ ନଅ ବର୍ଷ ପୂରଣ କରିବ। ମୋ ସରକାରର ପ୍ରାୟ ନଅ ବର୍ଷ ମଧ୍ୟରେ ଭାରତର ଲୋକମାନେ ପ୍ରଥମ ଥର ପାଇଁ ଅନେକ ପରିବର୍ତ୍ତନ ଦେଖିଛନ୍ତି। ଏଥି ମଧ୍ୟରୁ ସବୁଠୁ ବଡ଼ ହେଉଛି, ପ୍ରଥମ ଥର ପାଇଁ ଭାରତର ଆତ୍ମବିଶ୍ୱାସ ଶୀର୍ଷରେ ରହିଛି। ଯେଉଁ ସମସ୍ୟାର ସମାଧାନ ପାଇଁ ଭାରତ ପୂର୍ବରୁ ଅନ୍ୟମାନଙ୍କ ଉପରେ ନିର୍ଭରଶୀଳ ଥିଲା। ଆଜି ସେ ଅନ୍ୟମାନଙ୍କ ସମସ୍ୟାର ସମାଧାନ ପାଲଟିଛନ୍ତି।
