ଦାରିଙ୍ଗବାଡି, ୮।୧୦ (ଅରୁଣ ସାହୁ ): କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ପରିସର ମଧ୍ୟରେ ବୁଧବାର ଭୀମଭୋଇ ଦିବ୍ୟାଙ୍ଗ ସାମର୍ଥ୍ୟ ଶିବିର ଅନୁଷ୍ଠିତ ହୋଇଥିଲା। ଏଥିରେ ଏକାଧିକ ତ୍ରୁଟିକୁ ନେଇ ଜନ ଅସନ୍ତୋଷ ଦେଖାଯାଇଥିଲା। ଦାରିଙ୍ଗବାଡିରେ ଏହି ଶିବିରକୁ ଶହ ଶହ ରୋଗୀ ଆସିଥାନ୍ତି। ଏହି କ୍ରମରେ ମାନସିକ ଅନଗ୍ରସର, ଦୃଷ୍ଟି ଓ ଶ୍ରବଣ ବାଧିତ, ଅସ୍ଥିଶଲ୍ୟ ବିଭାଗ ସମେତ ଶିଶୁ ମାନଙ୍କ ବିଭିନ୍ନ ସମସ୍ୟାକୁ ବିଶେଷଜ୍ଞ ଡାକ୍ତରମାନେ ଚିକିତ୍ସା କରି ପ୍ରମାଣପତ୍ର ପ୍ରଦାନ କରନ୍ତି। ପୂର୍ବରୁ ଭିନ୍ନକ୍ଷମ କୁହାଯାଉଥିବା ବେଳେ ରାଜ୍ୟ ଏବଂ କେନ୍ଦ୍ର ସରକାର ତାକୁ ପରିବର୍ତ୍ତନ କରି ଦିବ୍ୟାଙ୍ଗ କହିବା ଓ ଜଣେ ସକ୍ଷମ ସହ ଦିବ୍ୟାଙ୍ଗଙ୍କୁ ସମାନ ଦୃଷ୍ଟିରେ ଦେଖିବାକୁ ନିର୍ଦ୍ଦେଶ ଦେଇଛନ୍ତି। କିନ୍ତୁ ଏହି ଶିବିରରେ ଦିବ୍ୟାଙ୍ଗମାନଙ୍କୁ ଅତି କଦର୍ଯ୍ୟ ଭାବେ ଉଚ୍ଚାରଣ କରାଯାଇ ପୋଷ୍ଟର ଲଗାଯାଇଥିବା ଘଟଣାକୁ ଲୋକମାନେ ନାପସନ୍ଦ କରୁଥିଲେ। ମାନସିକ ଅନଗ୍ରସର ସ୍ଥାନରେ ମୁଣ୍ଡ ଦୋଷ ବୋଲି ଉଲ୍ହେଖ କରାଯାଇଥିବାବେଳେ ଅସ୍ଥିଶଲ୍ୟ ପୋଷ୍ଟର ବଦଳରେ ଗୋଡ଼ ଓ ହାତ ଭଙ୍ଗା ବିଭାଗ, ସିକଲସେଲ ବଦଳରେ ସିକଲିଙ୍ଗ ଆଦି କଦର୍ଯ୍ୟ କରି ପୋଷ୍ଟର ଲଗାଯାଇଥିଲା। ଯାହାକି ବୁଦ୍ଧିଜୀବୀ ମହଲରେ ବିଏସଏସଓ କ୍ଷିତୀଶ ସାହୁଙ୍କ ଏଭଳି କାର୍ଯ୍ୟକୁ ନିନ୍ଦା କରାଯାଇଛି। ଜଣେ ଦିବ୍ୟାଙ୍ଗ ଯେତେବେକେ ନିଜ ନାମ ରେଜିଷ୍ଟ୍ରେସନ କରିବାକୁ ପହଞ୍ଚି ଏଭଳି ଦେଖିଛନ୍ତି। ଦୁଃଖ ପ୍ରକାଶ କରୁଥିବା ଜଣାପଡିଛି । ଏନେଇ ବିଏସଏସଓଙ୍କୁ ପଚାରିବାରୁ କୌଣସି ସନ୍ତୋଷଜନକ ଉତ୍ତର ଦେଇ ନ ଥିଲେ।
Dharitri – Odisha’s No.1, Most Trusted Odia Daily
