ନୂଆଦିଲ୍ଲୀ, ୧୭।୭: କର୍ନାଟକ ମୁଖ୍ୟମନ୍ତ୍ରୀ ବି.ଏସ୍. ୟେଦୁରପ୍ପା ଇସ୍ତଫା ଦେବା ନେଇ ଚର୍ଚ୍ଚା ଜୋର୍ ଧରିଛି। ହେଲେ ସେ ଏହାକୁ ଏକ ଗୁଜବ କହି ଖଣ୍ଡନ କରିଛନ୍ତି। କର୍ନାଟକ ସରକାରରେ ନେତୃତ୍ୱ ପରିବର୍ତ୍ତନ ହେବନାହିଁ ବୋଲି ୟେଦୁରପ୍ପା ସ୍ପଷ୍ଟ କରିଛନ୍ତି।
ଶୁକ୍ରବାର ୟେଦୁରପ୍ପା ନୂଆଦିଲ୍ଲୀରେ ପହଞ୍ଚତ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଥିଲେ। ଉପର ଭଦ୍ରା ପ୍ରୋଜେକ୍ଟକୁ ଜାତୀୟ ପ୍ରକଳ୍ପ ଘୋଷଣା କରିବା ଲାଗି ସେ ପ୍ରଧାନମନ୍ତ୍ରୀଙ୍କୁ ଅନୁରୋଧ କରିବା ସହ ବେଙ୍ଗାଲୁରୁ ପେରିଫେରାଲ ରିଙ୍ଗ୍ ରୋଡ୍ ପ୍ରକଳ୍ପ ପାଇଁ ୬,୦୦୦ କୋଟି ଟଙ୍କା ଆର୍ଥତ୍କ ସହାୟତା ମାଗିଥିଲେ। ଏହା ବ୍ୟତୀତ ମେକେଡାଟୁ ପ୍ରକଳ୍ପ ଏବଂ ଆମେରିକା ବାଣିଜି୍ୟକ ଦୂତାବାସ ସ୍ଥାପନ ପ୍ରସଙ୍ଗରେ ମଧ୍ୟ ଆଲୋଚନା ହୋଇଥିଲା। ସେ ଇସ୍ତଫା ଦେଇ ନ ଥିବା ଗଣମାଧ୍ୟମକୁ କହିଛନ୍ତି।
ଶନିବାର ୟେଦୁରପ୍ପା ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ ସ୍ବରାଷ୍ଟ୍ର ମନ୍ତ୍ରୀ ଅମିତ୍ ଶାହାଙ୍କୁ ଭେଟିଥିଲେ। ଦଳରେ ବିଭିନ୍ନ ନେତାଙ୍କଠାରୁ ବିଦ୍ରୋହର ସମ୍ମୁଖୀନ ହୋଇଥିବା ୟେଦୁରପ୍ପା ପ୍ରଧାନମନ୍ତ୍ରୀଙ୍କୁ ଭେଟିବା ପରେ ସେ ଇସ୍ତଫା ଦେବା ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା। ମୋଦିଙ୍କୁ ଭେଟିବା ବେଳେ ସେ ସ୍ବାସ୍ଥ୍ୟଗତ କାରଣ ଦର୍ଶାଇ ଇସ୍ତଫା ଦେଇପାରନ୍ତି ବୋଲି ଏକ ସୂତ୍ରରୁ କୁହାଯାଇଥିଲା। ଯଦି ଦଳ ୟେଦୁରପ୍ପାଙ୍କୁ ହଟାଇବା ପାଇଁ ନିଷ୍ପତ୍ତି ନିଏ ତେବେ ଜୁଲାଇ ୨୬ରେ ତାଙ୍କ ଶାସନକୁ ଦୁଇବର୍ଷ ପୂରଣ ହେଉଥିବାରୁ ସେହିଦିନ ତାଙ୍କୁ ବଦଳାଯାଇପାରେ ବୋଲି ମଧ୍ୟ ଖବର ପ୍ରକାଶ ପାଇଥିଲା।
