କଣ୍ଟାମାଳ,୨୦।୧୧( ଆଦିତେଶ୍ୱର ମିଶ୍ର)- ବୌଦ୍ଧ ଜିଲା ମନମୁଣ୍ଡା ଥାନା ତିଲପଙ୍ଗା ଗାଁରେ ଗୁରୁବାର ସାରେ ଅଭାବନୀୟ ଘଟଣା ଘଟିଛି। ଶଳାଙ୍କ ଗୁଳିମାଡ଼ରେ ଭିଣୋଇ ଗୁରୁତର ହୋଇଥିବା ଜଣାପଡିଛି।
ସୂଚନା ମୁତାବକ, ବାଉଁଶୁଣୀ ଥାନା ଗୁଡ଼ପଡ଼ା ଗ୍ରାମର ବ୍ୟୋମକେଶ ଖଟୁଆ(୨୫) ଶ୍ୱଶୁର ଘର ତିଳପଙ୍ଗା ଗ୍ରାମକୁ ଯାଇଥିଲେ। କୌଣସି କାରଣରୁ ସାରେ ଶଳାଙ୍କ ସହ ବଚସା ହୋଇଥିଲା। ଏଥିରେ ଶଳା ରାଗି ଯାଇ ଗୁଳି ଚାଳନା କରିଥିଲେ। ଫଳରେ ଗୁଳିମାଡ଼ରେ ବ୍ୟୋମକେଶ ଗୁରୁତର ହୋଇପଡିଥିଲେ। ପ୍ରଥମେ ତାଙ୍କୁ ବାଉଁଶୁଣୀ ମେଡିକାଲକୁ ନିଆଯାଇଥିଲା । ତାଙ୍କର ୫ରୁ ୬ ଜାଗାରେ ଗୁଳି ବାଜିଥିବା ଜଣାପହିଛି । ଗୁରୁତର ଥିବାରୁ ଭିଣୋଇଙ୍କୁ ସୋନପୁର ମେଡିକାଲକୁ ନିଆଯାଇଥିଲା। ସେଠାରୁ ବୁର୍ଲା ପଠାଯାଇଛି । ଏନେଇ ମନମୁଣ୍ଡା ଥାନା ଅଧିକାରୀ ସସ୍ମିତା ମଗରକୁ ପଚାରିବାରୁ ଆମକୁ ଗୁଳିକାଣ୍ଡ ନେଇ ଖବର ମିଳିଛି। ଘଟଣାସ୍ଥଳକୁ ପୋଲିସ ଯାଉଥିବା ସେ କହିଛନ୍ତି।
