ବର୍ମିଂହାମ,୨୧।୪: ବ୍ରିଟେନର ପ୍ରିନ୍ସ ଓ୍ବିଲିୟମ୍ସ ଗୁରୁବାର ରାଜକୀୟ ଯାତ୍ରା ସମୟରେ ସେ ଜଣେ ଅଜଣା ଗ୍ରାହକଙ୍କ ସହ ଫୋନରେ କଥା ହୋଇଛନ୍ତି। ଭାକୟା ବର୍ମିହାମର ଏକ ଭାରତୀୟ ରେସ୍ତୋରାଁରେ ଏହି ଦୃଶ୍ୟ ଦେଖିବାକୁ ମିଳିଛି। ଏଠାରେ ସେ ଜଣେ ଅଜଣା ଗ୍ରାହକଙ୍କ ଫୋନ ରିସିଭ କରିଥିଲେ ଓ ଟେବୁଲ ବୁକିଂ ପାଇଁ କଥା ହୋଇଥିଲେ। ଗୋଟିମିଡିଆ ରିପୋର୍ଟ ଅନୁଯାୟୀ, ଭବିଷ୍ୟତର ବ୍ରିଟେନର ରାଜା, ତାଙ୍କ ପତ୍ନୀ କେଟ ମଧ୍ୟ ଇଂଲଣ୍ଡର ବର୍ମିହାମ ଯାତ୍ରା ସମୟରେ ଏକ ପରିବାର ପକ୍ଷରୁ ପରିଚାଳିତ ଭାରତୀୟ ରେସ୍ତୋରାଁ ପହଞ୍ଚିଥିଲେ। ଏହି ସମୟରେ ରେସ୍ତୋରାଁକୁ ଏକ ଫୋନ ଆସିଥିଲା। ଫୋନ କରିଥିବା ବ୍ୟକ୍ତି ଦୁଇ ଜଣଙ୍କ ପାଇଁ ଟେବୁଲ ବୁକ କରିବାର ଥିଲା।
କୁହାଯାଉଛି କି ଫୋନରେ କଥା ହେବା ପରେ ପ୍ରିନ୍ସ ଓ୍ବିଲିୟମ୍ସ ରେସ୍ତୋରାଁ ମାଲିକଙ୍କ ସହ କଥା ହୋଇଥିଲେ ଓ ବୁକିଂର ସ୍ଥିତି ସମ୍ପର୍କରେ ଚର୍ଚ୍ଚା କରିଥିଲେ। ସେ ଟେବୁଲ ଖାଲି ହେବାକୁ ନେଇ ମଧ୍ୟ କଥା ହୋଇଥିଲେ। ଗ୍ରାହକ ଜଣକ ଟ୍ରେନରେ ବି ଯାତ୍ରା କରିବାର ଥିଲା। ଏହି ସମୟରେ ସମୟ ମୁତାବକ ବୁକିଂ ବ୍ୟବସ୍ଥା ପାଇଁ ପ୍ରିନ୍ସ ରେସ୍ତୋରାଁ ବୁକିଂ ଲିଷ୍ଟକୁ ଚେକ ବି କରିଥିଲେ। ପ୍ରିନ୍ସ କଥା ଶେଷ କରିବା ସମୟରେ ପଚାରିଥିଲେ ବୁକିଂ କାହା ନାମରେ କରିବେ। ୨ଟା ୧୫ରେ ଦେଖାହେବ। ଏ ପରିବାରର ଲୋକେ ଏହି ରେସ୍ତୋରାଁକୁ ଚଳାଉଛନ୍ତି।
