ଗଞ୍ଜାମ,୨୪ା୧୧(ବିଦ୍ୟାଧର ସାହୁ): ଗଞ୍ଜାମ ସହରରେ ଆୟୋଜନ ହେବାକୁ ଥିବା ବହୁ ପ୍ରତୀକ୍ଷିତ ମେଗା ଡ୍ୟାନ୍ସ ଇଭେଣ୍ଟ ବ୍ରେକ୍ ଦ ଫ୍ଲୋର୍ ସିଜନ ୨ ବ୍ରହ୍ମପୁର କଳା ପରିଷଦ କବିସୂର୍ଯ୍ୟ ମଞ୍ଚ ହଲଠାରେ ଅନୁଷ୍ଠିତ ହୋଇଯାଇଛି। ଚଳିତ ବର୍ଷ ଏହି ମେଗା ଇଭେଣ୍ଟ ତଥା ବ୍ରେକ୍ ଦ ଫ୍ଲୋରର ତ୍ରିଶା ଅଗ୍ରଓ୍ବାଲ, ଶ୍ରେଷ୍ଠା ମିଶ୍ର ଏବଂ ଏମ୍ଜିଲ କୀର୍ତ୍ତିକା ଚାମ୍ପିଅନ ହୋଇଛନ୍ତି।ଡ୍ୟାନ୍ସ ପ୍ଲସ୍ ପ୍ରୋ’ର ବିଜେତା ଛତିଶଗଡ଼ ରାଜ୍ୟର ରିତେଶ ପଲ ବିଚାରକ ଭାବେ ଯୋଗ ଦେଇ ଚାମ୍ପଅନମାନଙ୍କୁ ଟ୍ରଫି ପ୍ରଦାନ କରିଥିଲେ । ଗତ ୨୩ରେ ଅଡିଶନ ହୋଇଥିବା ବେଳେ ଫାଇନାଲ ଅଡିଶନ ଅନୁଷ୍ଠିତ ହୋଇଥିଲା। ଗଞ୍ଜାମ ଅଞ୍ଚଳର ଡ୍ରିମର ଆଣ୍ଡ୍ ଫିଟନେସ୍ ସେଣ୍ଟର ଏବଂ ଗଞ୍ଜାମ ବଡ଼ ବଜାରଠାରେ ଥିବା ବୁଦ୍ଧଦୀପ ଗୁରୁକୁଳ ସ୍କୁଲର ମିଳିତ ଆନୁକୂଲ୍ୟରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଅତିଥି ଭାବେ ଶବର କୁମାର ତରାଇ, ସେଣ୍ଟର ମୁଖ୍ୟ ସନ୍ତୋଷ କୁମାର, ସ୍କୁଲ ଅଧ୍ୟକ୍ଷା ସୋନାଲି ନାୟକ, ଯୁବ ସ୍ବେଚ୍ଛାସେବୀ ସୁଧୀର କୁମାର ପାଢ଼ୀ, ରାକେଶ ରଞ୍ଜନ ଦାସ, ସାମାଜିକ କର୍ମୀ ଉମାକାନ୍ତ ବେହେରା, ଗୋ ରକ୍ଷକ ଏଲେୟା, ଅସ୍ମିତ କୁମାର ପଣ୍ଡା ପ୍ରମୁଖ ଯୋଗ ଦେଇ କାର୍ଯ୍ୟକ୍ରମ ଶୁଭାରମ୍ଭ କରିଥିଲେ। ଶିଳ୍ପା ମାଝୀ, ପ୍ରିୟଙ୍କା, ତେଜସ୍ବିନୀ, ମନୋଜ ପ୍ରଧାନ,ବିଭୂତି ପଲାଇ, ଗଙ୍ଗା ରାଉଳ, ଟୋନି ପାଢ଼ୀ, ମିଲୁ ଦାସ, ଶଙ୍କର ସାହୁ, ବିଜୁ ସାହୁ ପ୍ରମୁଖ ସହଯୋଗ କରିଥିଲେ।
ପ୍ରକାଶଯୋଗ୍ୟ, ସହର ଏକ କୁଚକ୍ରୀ ଗୋଷ୍ଠୀଙ୍କ ପାଇଁ ଶେଷ ମୁହୂର୍ତ୍ତରେ ଏହି କାର୍ଯ୍ୟକ୍ରମ ବାତିଲ ହୋଇ ବ୍ରହ୍ମପୁରଠାରେ ଅନୁଷ୍ଠିତ ହୋଇଥିଲା । ଏହି ଭଳି ଅପ୍ରତ୍ୟାଶିତ ନିଷ୍ପତ୍ତି ନୃତ୍ୟପ୍ରେମୀ ଓ ଯୁବ ଗୋଷ୍ଠୀଙ୍କ ମଧ୍ୟରେ ଗଭୀର ନିରାଶାଭାବ ସୃଷ୍ଟି କରିଥିଲା। ଉକ୍ତ କୁଚକ୍ରୀ ଗୋଷ୍ଠୀଙ୍କୁ ସହରର ବିଭିନ୍ନ ବର୍ଗର ଲୋକ ଘୋର ନିନ୍ଦା କରିଥିଲେ। ସିଜନ୧ ର ବିଶାଳ ସଫଳତା ପରେ ସିଜନ-୨ ପ୍ରତି ଯୁବମହଲରେ ବ୍ୟାପକ ଉତ୍ସାହ ଦେଖାଯାଇଛି। କାର୍ଯ୍ୟକ୍ରମର ମୁଖ୍ୟ ଆକର୍ଷଣ ଭାବେ ଷ୍ଟାର ପ୍ଲସ୍ର ଖ୍ୟାତିସମ୍ପନ୍ନ ଡ୍ୟାନ୍ସ ରିଏଲିଟି ଶୋ’ ଡ୍ୟାନ୍ସ ପ୍ଲସ୍ ସିଜନ ୭ର ବିଜେତା ରିତେଶ ପଲଙ୍କୁ ଦେଖିବାକୁ ଗଞ୍ଜାମ ସହରବାସୀଙ୍କ ମଧ୍ୟରେ ପ୍ରବଳ ଉତ୍ସାହ ଥିଲା।
