ତରଭା,୨୬ା୨(ମାନଭଞ୍ଜନ ମିଶ୍ର): ସୁବର୍ଣ୍ଣପୁର ଜିଲା ତରଭା ପୋଲିସ ସମ୍ବଲପୁରରୁ ଉଦ୍ଧାର କରିଥିବା ନବବଧୂଙ୍କୁ ବୁଧବାର ତାଙ୍କ ମା’ଙ୍କୁ ହସ୍ତାନ୍ତର କରାଯାଇଛି l ସେ ମା’ଙ୍କ ସହିତ ଘରକୁ ଯାଇଛନ୍ତି। ବଲାଙ୍ଗୀର ସହର କାମାକ୍ଷାନଗର ନିବାସୀ ହରିବନ୍ଧୁ ପୁଟେଲଙ୍କ ସହ କଣ୍ଟାମାଳ ରଥପଡାରେ ବାହାଘର ହୋଇଥିଲା। ବାହାଘର ସାରି ଫେରିବା ବାଟରେ ବୌଦ୍ଧ ଜିଲା କଣ୍ଟାମାଳ ଥାନା ଅନ୍ତର୍ଗତ ବଡଛେପାପାଲି ଗ୍ରାମର ସଞ୍ଜିବ ସାହୁ ତରଭା ବଡବନ୍ଧ ନିକଟରେ ବନ୍ଧୁକ ଦେଖାଇ ନବବଧୂଙ୍କୁ ନେଇ ସମ୍ବଲପୁରର ଏକ ଭଡା ଘରେ ରଖିଥିଲେ। ତରଭା ପୋଲିସ ସମ୍ବଲପୁର ପୋଲିସ ସହାୟତାରେ ନବବଧୂଙ୍କୁ ଉଦ୍ଧାର କରିଥିଲା। ଗୁରୁବାର ଅଭିଯୁକ୍ତ ସଞ୍ଜୀବଙ୍କୁ ପୋଲିସ କୋର୍ଟଚାଲାଣ କରିଛି। ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଛି। ସେହିପରି ଆଇନ ଅନୁଯାୟୀ ନବବିବାହିତାଙ୍କୁ ବର ପକ୍ଷରୁ ଦିଆଯାଇଥିବା ସୁନାହାର, ମଙ୍ଗଳସୂତ୍ର, ନାକଫୁଲ, ଦୁଇଟି ରୁପା ମୁଦି ପ୍ରଭୃତି ତରଭା ଥାନାରୁ ବର ହରିବନ୍ଧୁଙ୍କୁ ପ୍ରଦାନ କରାଯାଇଛି l ସେହିପରି କନ୍ୟା ପକ୍ଷର ସମସ୍ତ ଜିନିଷ କନ୍ୟାଙ୍କ ମା’ଙ୍କୁ ଦିଆଯାଇଛି। ନବବିବାହିତାଙ୍କୁ ତଦନ୍ତଜାରୀ ଅଧିକାରୀ ପ୍ରଶନ୍ନଜିତ ବେହେରା ତାଙ୍କ ମା’ଙ୍କ ଜିମା ଦେଇଥିବା ତରଭା ଆଇଆଇସି ଅନିତା କିଡୋ ପ୍ରକାଶ କରିଛନ୍ତି।
Dharitri – Odisha’s No.1 Odia Daily
