ଗୁଆହାଟି,୨୯ ।୭: ଆସାମ-ମିଜୋରାମ ସୀମା ବିବାଦକୁ ନେଇ ଉପୁଜିଥିବା ହିଂସା ପରିସ୍ଥିତିର ଏବେ ଯାଞ୍ଚ ଆରମ୍ଭ କରାଯାଇଛି । ଜୁଲାଇ ୨୬ରେ ସୀମାରେ ଯେଉଁମାମେ ହିଂସା ପରିସ୍ଥିତି ସୃଷ୍ଟି କରିଥିଲେ ବା ଯେଉଁମାନେ ଗୁଳି ଚଳାଇଥିଲେ ପୋଲିସ ଏବେ ସେମାନଙ୍କୁ ଖୋଜୁଛି । ଏହାସହ ପ୍ରତି ଅଭିଯୁକ୍ତଙ୍କ ସମ୍ପର୍କରେ ସୂଚନା ଦେଉଥିବା ବ୍ୟକ୍ତିଙ୍କୁ ପୋଲିସ ୫ ଲକ୍ଷ ଟଙ୍କା ପୁରସ୍କାର ଦେବ ବୋଲି ଘୋଷଣା କରିଛି । ଅତିରିକ୍ତ ପୋଲସ ମହାନିର୍ଦ୍ଦେଶ ଜି.ପି. ସିଂ କହିଛନ୍ତି, ପୋଲିସ ହିଂସା ସମୟରେ ୬ ପୋଲିସଙ୍କ ହତ୍ୟାକୁ ନେଇ ବିଭିନ୍ନ ଧାରା ଆଧାରରେ ମାମଲା କରିଛି । ସୂଚନାଯୋଗ୍ୟ, ସୋମବାର ଅନ୍ତର୍ଜାତୀୟ ସୀମା ନିକଟରେ ହୋଇଥିବା ହିଂସାରେ ପ୍ରାୟ ୭ ଜଣଙ୍କ ମୃତ୍ୟୁ ହୋଇଥିବା ବେଳେ ସେମାନଙ୍କ ମଧ୍ୟରେ ୫ଜଣ ପୋଲିସ ଥିବା ବେଳେ ଜଣେ ନାଗରିକ ରହିଥିଲେ । ଏବେ ଏହି ଘଟଣାର ଯାଞ୍ଚ କରୁଥିବା ଆସାମ ପୋଲିସ କହିଛି ଅଭିଯୁକ୍ତଙ୍କ ଫଟୋ ସଂଗ୍ରହ କରାଯାଉଛି । ହିଂସା ଘଟାଇଥିବା ଲୋକଙ୍କ ବିରୋଧରେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
