ଉମରକୋଟ, ୨୩।୧: ନବରଙ୍ଗପୁର ଜିଲା ସୀମାନ୍ତ ଛତିଶଗଡ଼ ଜବଲପୁର ନିକଟରେ ଏକ ବୋଲେରୋ ଦୁର୍ଘଟଣାଗ୍ରସ୍ତ ହୋଇ ଡ୍ରାଇଭରଙ୍କ ସମେତ ୨ଜଣଙ୍କ ମୃତ୍ୟୁ ଘଟିଛି। ଏଥିରେ ୮ଜଣ ଗୁରୁତର ଆହତ ହୋଇଛନ୍ତି। ମୃତକ ହେଲେ ନବରଙ୍ଗପୁର ଜିଲା ଉମରକୋଟ ବ୍ଲକ ପଦମଝରି ଅଞ୍ଚଳର ବୋଲେରୋ ଡ୍ରାଇଭର ନିରଞ୍ଜନ ପାତ୍ର ଓ କେରିପଦର ଗ୍ରାମର ଚରଣ ଗୌଡ଼।
ପ୍ରକାଶ ଯେ, ଉମରକୋଟ ବ୍ଲକ ଅଞ୍ଚଳର ୧୦ଜଣ ଲୋକେ ଏକ ବୋଲେରୋ(ସିଜି-୦୫ୟୁ-୧୨୮୫)ରେ ଡ୍ରାଇଭିଂ ଲାଇସେନ୍ସ କାମରେ ଛତିଶଗଡ଼ର ଗରିଆବନ୍ଧକୁ ଯାଇଥିଲେ। ଫେରିବା ସମୟରେ ଜବଲପୁର ନିକଟରେ ଗାଡ଼ିଟି ଅନ୍ୟ ଏକ ଗାଡ଼ିକୁ ଓଭର୍ଟେକ୍ କରି ଏକ ଗଛରେ ପିଟିହେବା ସହ ଭାରସାମ୍ୟ ହରାଇ ଓଲଟି ପଡିଥିଲା। ଘଟଣାସ୍ଥଳରେ ଗାଡ଼ି ଡ୍ରାଇଭର ନିରଞ୍ଜନ ଓ ଚରଣଙ୍କର ମୃତ୍ୟୁ ହୋଇଥିଲା। ଦୁର୍ଘଟଣାରେ ଗାଡ଼ିରେ ଥିବା ଅନ୍ୟ ୮ଜଣ ଗୁରୁତର ହୋଇଛନ୍ତି। ସେମାନଙ୍କୁ ରାୟପୁର ସ୍ବାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଇଛି।
