ଶ୍ରୀନଗର,୨୪।୧୧ : ଜମ୍ମୁ-କଶ୍ମୀରର ରାଜୌରୀ ଜିଲାର ବାଜିମାଲ ଅଞ୍ଚଳର ଧରାମସାଲରେ ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ୨୪ ଘଣ୍ଟିଆ ମୁକାବିଲା ଶେଷ ହୋଇଛି। ଏହି ଏନକାଉଣ୍ଟରରେ ଭାରତୀୟ ସୈନିକମାନେ ଲଶ୍କର-ଇ-ତୋଏବାର ଦୁଇ ଭୟଭୀତ ଆତଙ୍କବାଦୀଙ୍କୁ ହତ୍ୟା କରିଥିଲେ। କିନ୍ତୁ ଆତଙ୍କବାଦୀଙ୍କ ସହ ହୋଇଥିବା ଏହି ମୁକାବିଲାରେ ୨ କ୍ୟାପଟେନଙ୍କ ସମେତ ୫ ଟି ଭାରତୀୟ ସେନା ଶହୀଦ ହୋଇଥିଲେ। ଆତଙ୍କବାଦୀଙ୍କ ମୁକାବିଲାରେ ନିଜ ଜୀବନ ବଳି ଦେଇଥିବା ପାଞ୍ଚଜଣ ସୈନିକଙ୍କୁ ପୂର୍ଣ୍ଣ ସମ୍ମାନ ଜଣାଇ ସେନା ଶ୍ରଦ୍ଧାଞ୍ଜଳି ଅର୍ପଣ କରଛି।
ଆତଙ୍କବାଦୀଙ୍କ ସହ ଲଢ଼ିିବା ସମୟରେ ଶହୀଦ ହୋଇଥିବା ପାଞ୍ଚଜଣ ସୈନିକଙ୍କୁ ଶ୍ରଦ୍ଧାଞ୍ଜଳି ଜଣାଇବା ପାଇଁ ସେନା ଜେନେରାଲ ହସ୍ପିଟାଲ ରାଜୌରୀରେ ପୁଷ୍ପମାଲ୍ୟ ଅର୍ପଣ କରିଥିଲେ। ଏଥିରେ ରୋମିଓ ଫୋର୍ସ କମାଣ୍ଡିଂ ଜେନେରାଲ ଅଫିସର ତଥା ବହୁ ସେନା ଅଧିକାରୀ ଏବଂ ପୋଲିସ ଅଧିକାରୀ ପାଞ୍ଚଜଣ ସୈନିକଙ୍କୁ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଏହା ପରେ ଶହୀଦ ହୋଇଥିବା ଭାରତୀୟ ସୈନିକମାନଙ୍କ ପାର୍ଥିବ ଶରୀରକୁ ସେମାନଙ୍କ ଘରକୁ ପଠାଯାଇଛି।
ରାଜୌରୀରେ ଆତଙ୍କବାଦୀଙ୍କ ସହ ଲଢ଼ି ଶହୀଦ ହୋଇଥିବା ସୈନିକମାନଙ୍କ ମଧ୍ୟରେ କର୍ନାଟକର ମାଙ୍ଗାଲୋରର ବାସିନ୍ଦା କ୍ୟାପଟେନ ଏମ.ଭି ପ୍ରାଞ୍ଜଲ (୬୩ ରାଷ୍ଟ୍ରୀୟ ରାଇଫଲ), ଉତ୍ତରପ୍ରଦେଶ ଆଗ୍ରାର ବାସିନ୍ଦା କ୍ୟାପଟେନ ଶୁଭମ ଗୁପ୍ତା ( ୯ ପାରା), ଜମ୍ମୁ-କଶ୍ମୀର ପୁଞ୍ଚର ବାସିନ୍ଦା ହାଭିଲଦାର ଅବଦୁଲ ମାଜିଦ, ଉତ୍ତରାଖଣ୍ଡ ନୈନିତାଲର ଲାନ୍ସ ନାୟକ ସଞ୍ଜୟ ବିଷ୍ଟ, ଇତ୍ତରପ୍ରଦେଶ ଆଲିଗଡ ର ପାରାଟ୍ରୁପର ସଚିନ ଲୈର ଅଛନ୍ତି।
