ଭୁବନେଶ୍ବର,୧୨।୩: ସଫେଇ କର୍ମଚାରୀଙ୍କ ସହ ଆଲୋଚନା କରି ବିଏମ୍ସି ୩ ଦିନର ସମୟ ମାଗିଛି। ୩ ଦିନ ମଧ୍ୟରେ ବର୍ଦ୍ଧିତ ଦରମା ନେଇ ଘୋଷଣା ହେବ। ଅଳିଆ ପୃଥକୀକରଣ ବନ୍ଦ କରିବାକୁ ସଫେଇ କର୍ମଚାରୀ ଦାବି କରିଥିବା ବେଳେ ଏ ନେଇ ବିଏମସି ୧୫ ଦିନର ସମୟ ମାଗିଛି । ଆଲୋଚନା ସଫଳ ହୋଇଥିବା ବିଏମସି କହିଛ।
ଅନ୍ୟପକ୍ଷେ ଆନ୍ଦୋଳନକାରୀ ସଫେଇ କର୍ମଚାରୀ କହିଛନ୍ତି ଯେ, ଲିଖିତ ପ୍ରତିଶ୍ରୁତି ନମିଳିବା ଯାଏ ଆନ୍ଦୋଳନ ଜାରି ରହିବ । ସହରରୁ ଅଳିଆ ଉଠିବନି । ଯେପର୍ଯ୍ୟନ୍ତ ବିଏମ୍ସି କିମ୍ବା ସରକାର ଦରମାର ୧୫ ହଜାର ଟଙ୍କାର ବୃଦ୍ଧି ନ କରିଛନ୍ତି, ଆନ୍ଦୋଳନ ଚାଲୁ ରହିବ ବୋଲି ସେମାନେ କହିଛନ୍ତି ।
ଦ୍ୱିତୀୟ ଦିନରେ ଠିକା ସଫେଇ କର୍ମଚାରୀ ଆନ୍ଦୋଳନ କରିଛନ୍ତି । ଶତାଧିକ ସଫେଇ କର୍ମଚାରୀ ରାଜମହଲ ବ୍ରିଜ୍ ତଳେ ଧାରଣା ଦେବା ସହ ବିଏମସି ଅଫିସ ସାମ୍ନାରେ ଧାରଣା ଦେଇଛନ୍ତି ।
