ଦାରିଙ୍ଗବାଡି, ୧୭।୧୦(ଅରୁଣ ସାହୁ ): କନ୍ଧମାଳ ଜିଲା ଦାରିଙ୍ଗବାଡି ବିଇଓଙ୍କ କାର୍ଯ୍ୟାଳୟ ପରିସର ମଧ୍ୟରେ ଶୁକ୍ରବାର ବ୍ଲକ ସ୍ତରୀୟ ଶିଶୁ ମହୋତ୍ସବ “ସୁରଭି” ଉଦଯାପିତ ହୋଇଯାଇଛି। ଏହି ଅବସରରେ ଏବିଇଓ ତଥା ବିଆର୍ସିସି ଗୋକୁଳାନନ୍ଦ ନାୟକଙ୍କ ଅଧ୍ୟକ୍ଷତା ଏବଂ ସହକାରୀ ଶିକ୍ଷକ ନିରଞ୍ଜନ ସାହୁଙ୍କ ମଞ୍ଚ ପରିଚାଳନା ରେ ମୁଖ୍ୟ ଅତିଥି ଭାବେ ସ୍ଥାନୀୟ ତହସିଲଦାର ଧୀରୋଜ ପାତ୍ର ମୁଖ୍ୟ ଅତିଥିଭାବେ ଯୋଗଦେଇଥିଲେ। ଅନ୍ୟ ଅତିଥିଙ୍କ ମଧ୍ୟରେ ଦାରିଙ୍ଗବାଡି ସରପଞ୍ଚ ସୁଶ୍ରୀ ଚନ୍ଦ୍ରିକା ମଲିକ, ରାପଡାବାଡି ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଚାରୁଶିଲା ମଲିକ, ଏବିଇଓ ବନମାଳୀ ମାଝୀ, ବିଇଓ କାର୍ଯ୍ୟାଳୟର ଏଷ୍ଟାବ୍ଲିସମେଣ୍ଟ ଅଧିକାରୀ ଅଶୋକ ସାହୁ ପ୍ରମୁଖ ମଞ୍ଚାସିନ ରହିଥିଲେ।
ପ୍ରକାଶ ଯେ, ଉକ୍ତ ବ୍ଲକର ୨୪ଟି କ୍ଲଷ୍ଟର ସ୍ତରରେ ବିଭିନ୍ନ ପ୍ରତିଯୋଗିତାରେ କୃତିତ୍ୱ ଅର୍ଜନ କରିଥିବା ଛାତ୍ରୀଛାତ୍ରମାନଙ୍କ ମଧ୍ୟରେ ବ୍ଲକ ସ୍ତରରେ ପ୍ରତିଯୋଗିତା କରାଯାଇଥିଲା କାର୍ଯ୍ୟକ୍ରମ ପୂର୍ବାହ୍ନରେ ଆରମ୍ଭ ହୋଇଥିବା ବେଳେ ସନ୍ଧ୍ୟାରେ ଉଦ୍ଯାପିତ ହୋଇଥିଲା । ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମରେ ୧୬ଟି ବିଦ୍ୟାଳୟର ଛାତ୍ରୀଛାତ୍ରମାନେ ନୃତ୍ୟ ପରିବେଷଣ କରିଥିଲେ। ସେମାନଙ୍କ ମଧ୍ୟରୁ ଗୋଟିଏ ଦଳକୁ ଜିଲା ପାଇଁ ମନୋନୀତ କରାଯାଇଥିଲା। ସେହିପରି ଛାତ୍ରୀଛାତ୍ରଙ୍କୁ ନେଇ ବତ୍କୃତା,ରଚନା,ଚିତ୍ରାଙ୍କନ,ହସ୍ତାକ୍ଷର,ସଙ୍ଗୀତ, ନୃତ୍ୟ ଆଦି ପ୍ରତିଯୋଗିତା କରାଯାଇଥିବା ବେଳେ ସେମାନଙ୍କ ମଧ୍ୟରୁ ପିଏମ ପୋଷଣ ପ୍ରତିଯୋଗିତା ସମେତ ମୋଟ ୨୫ ଜଣ ଛାତ୍ରୀଛାତ୍ର ଜିଲାକୁ ଯିବାପାଇଁ ମନୋନୀତ ହୋଇଥିଲେ ସେହିପରି ଗୋଟିଏ ନୃତ୍ୟ ଦଳ ମଧ୍ୟ ଜିଲାସ୍ତରକୁ ଯିବାକୁ ମନୋନୀତ ହୋଇଥିବା କୁହାଯାଇଛି।
ରାଜ୍ୟ ସରକାରଙ୍କ ପକ୍ଷରୁ ପ୍ରତିବର୍ଷ ସୁରଭି କାର୍ଯ୍ୟକ୍ରମ ଆୟୋଜନ କରାଯାଉଛି। କ୍ଲଷ୍ଟରଠାରୁ ଏହି ପ୍ରତିଯୋଗିତା ମାଧ୍ୟମରେ ଛାତ୍ରୀଛାତ୍ରଙ୍କ ଲୁକ୍କାୟିତ ପ୍ରତିଭାକୁ ଲୋକଲୋଚନକୁ ଆଣିବା ପାଇଁ ମୁଖ୍ୟ ଲକ୍ଷ୍ୟ ରହିଛି। ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଏହାକୁ ଆୟୋଜନ କରାଯାଇଥିଲା। କାର୍ଯ୍ୟକ୍ରମକୁ ଦନେକବାଡିର ସିଆର୍ସିସି ରମାକାନ୍ତ ଦିଗାଲ, କିରିକୁଟିର ରାକେଶ ସାହୁ, ଦାରିଙ୍ଗବାଡି ବଳଭଦ୍ର ମଲିକ, ଶ୍ରାନିକେତା ଜୟଦେବ ସାହୁ, ବାଡାବାଙ୍ଗା ସିଆରସିସି ସଲିମ ନାୟକ, ତିଲୋରୀ ନିହାର ରଞ୍ଜନ ସାହୁ, ଭ୍ରମରବାଡି ଗୁପ୍ତେଶ୍ୱର ପଣ୍ଡା, ର୍ସିକାବର୍ଗ ମନୋଜ ବେହେରା, ତାଜୁଙ୍ଗିଆ ରବୀନ୍ଦ୍ରନାଥ ନାୟକ, ସିମନବାଡି ଶିବଶଙ୍କର ସାହୁ, ଗ୍ରୀନବାଡି ତାପସ ନାୟକ, କୁମ୍ଭାରୀଗାଁ ଦଣ୍ଡପାଣି ରଥ, ସୋନପୁର ଚିତ୍ତରଞ୍ଜନ ସତପଥୀ, ବୁଡ଼ାଗୁଡା ରାଜେଶ ପଟ୍ଟନାୟକ, ବ୍ରାହ୍ମଣୀଗାଁ ମଧୁରଞ୍ଜନ ବଳିୟାର ସିଂ ସହକାରୀ ଶିକ୍ଷକ ନବୀନ ସାହୁ, ରଞ୍ଜୁ ବଳିୟାର ସିଂ ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିଥିଲେ।
