ଭଦ୍ରକ ଅଫିସ/ବାସୁଦେବପୁର/ ଭଣ୍ଡାରିପୋଖରୀ /ଧାମନଗର, ୪।୨ (ଡି.ଏନ.ଏ) ପଞ୍ଚାୟତ ନିର୍ବାଚନ ପୂର୍ବରୁ ଭଦ୍ରକ ଜିଲା ସାବରଙ୍ଗ ଥାନା ଅଧୀନ ବ୍ରହ୍ମପୁର ଗ୍ରାମର ଇଞ୍ଜିନିୟରିଂ ଛାତ୍ର ସୁବାଶିଷ ଗିରିଙ୍କୁ ହତ୍ୟା ପ୍ରତିବାଦରେ ଗୁରୁବାର ଭାଜପା ପକ୍ଷରୁ ଜିଲାର ସମସ୍ତ ଥାନା ଓ ଫାଣ୍ଡି ସମ୍ମୁଖରେ ସତ୍ୟାଗ୍ରହ କରାଯାଇଛି। ଭଦ୍ରକ ଟାଉନ ଓ ଗ୍ରାମାଞ୍ଚଳ ଥାନା ସମ୍ମୁଖରେ ଡ. ପ୍ରଦୀପ ନାୟକଙ୍କ ନେତୃତ୍ୱରେ ଭାଜପା ଜିଲା ଉପସଭାପତି ଶ୍ରୀହର୍ଷ ସ୍ବାଇଁ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଜଗନ୍ନାଥ ଦାସ, ମହିଳା ମୋର୍ଚ୍ଚା ସଭାନେତ୍ରୀ ହରପ୍ରିୟା ସାହୁ, ସାଧାରଣ ସମ୍ପାଦିକା ଲିପିକା ବାରିକ, ଆଇଟି ସେଲ୍ ଜିଲା କୋର୍ଡିନେଟର ଶଶାଙ୍କ ମିଶ୍ର ଓ ଜୟନ୍ତ ମହାପାତ୍ର ଏଥିରେ ଯୋଗ ଦେଇଥିଲେ। ସାବରଙ୍ଗ ଥାନା ସମ୍ମୁଖରେ କଳ୍ପନା ଜେନାଙ୍କ ନେତୃତ୍ୱରେ ସତ୍ୟାଗ୍ରହ କରାଯାଇଥିଲା।
ସେହିପରି ବାସୁଦେବପୁର ଥାନା ଆଗରେ ଜିଲା ଭାଜପା ଉପସଭାପତି ଉଦୟ ନାରାୟଣ ମଲିକ, ମଧୁସୂଦନ ପାଢ଼ୀ, ପୂର୍ବତନ କାଉନସିଲର ଭଗବାନ ମହାନ୍ତି, କବୀନ୍ଦ୍ର ଶେଖର ଫକୀର ରଞ୍ଜନ ଦାସ ଏବଂ ଚୁଡ଼ାମଣି ସାମୁଦ୍ରିକ ଥାନା ଆଗରେ ବରିଷ୍ଠ ଭାଜପା ନେତା ମାଧବାନନ୍ଦ ମଲିକ, ପୂର୍ବତନ ସରପଞ୍ଚ ରମାକାନ୍ତ ସେଠୀ ପ୍ରମୁଖ ଧାରଣାରେ ବସିଥିଲେ। କଷିଆ ସାମୁଦ୍ରିକ ଓ ନାୟକାଣିଡିହୀ ଥାନା ଆଗରେ ମଧ୍ୟ ଭାଜପା କର୍ମୀମାନେ ଧାରଣା ଦେଇଥିଲେ।
ଭଣ୍ଡାରିପୋଖରୀ ଥାନା ସମ୍ମୁଖରେ ଦଳୀୟ ନେତା ବଦ୍ରି ନାରାୟଣ ଧଳଙ୍କ ନେତୃତ୍ୱରେ କର୍ମୀମାନେ ଦୁଇଘଣ୍ଟା ଧରି ଧାରଣାରେ ବସିଥିଲେ। ମଣ୍ଡଳ ସଭାପତି ଗିରିଶ ସାମଲ, ନିର୍ମଳ କର, ସତ୍ୟବ୍ରତ ଦାସ, ପ୍ରଦୀପ ସାହୁ, ରୁକ୍ମଣୀ ଦାସ, ବିଭୁପାଦ ସାହୁ, ମନୋଜ ମହାନ୍ତି, ମଦନ ସାହୁ, ସୁଶାନ୍ତ ମହାପାତ୍ର, ପ୍ରିୟତମା ଯେନା, ମିନାକ୍ଷୀ ଯେନା ପ୍ରମୁଖ ଏଥିରେ ସାମିଲ ଥିଲେ। ଧାମନଗର ଥାନା ସମ୍ମୁଖରେ ଜିଲା ପରିଷଦ ସଦସ୍ୟ ମନୋରଞ୍ଜନ ମଲ୍ଲିକଙ୍କ ନେତୃତ୍ୱରେ ଭାଜପା କର୍ମୀମାନେ ଧାରଣାରେ ବସିରହି ବିଜେଡି କର୍ମୀଙ୍କ ଗୁଣ୍ଡାରାଜ ବିରୋଧରେ ନାରାବାଜି କରିଥିଲେ। ଜିଲା ପରିଷଦ ପ୍ରାର୍ଥୀ ରଞ୍ଜିତା ସ୍ବାଇଁ, ଅରବିନ୍ଦ ପତି, ପୁଷ୍ପାଞ୍ଜଳି ବେହେରା, ବିରେନ୍ଦ୍ର ଜେନା, ବିରେନ୍ଦ୍ର ବାରିକ, ରମେଶ ଚନ୍ଦ୍ର ପତି, ସୁରଥ ସେଠୀ, କ୍ଷେତ୍ରବାସୀ ବାରିକ, ଶ୍ରୀଧର ବେହେରା, ପ୍ରଫୁଲ୍ଲ ପାତ୍ର ପ୍ରମୁଖ ଧାରଣାରେ ସାମିଲ ହୋଇଥିଲେ।
