ଗ୍ୟାଙ୍ଗଟକ୍,୧୧।୪: ସିକ୍କିମ ବିଧାନସଭା ନିର୍ବାଚନ ପାଇଁ ଭାଜପା ଗୁରୁବାର ନିଜର ଇସ୍ତାହାର ଜାରି କରିଛି। ଦଳର ସଭାପତି ଜେପି ନଡା ସିକ୍କିମର ରାଜଧାନୀ ଗ୍ୟାଙ୍ଗଟକ୍ରେ ଦଳର ଇସ୍ତାହାର ପ୍ରକାଶ କରିଛନ୍ତି। ନଡା କହିଛନ୍ତି,ପ୍ରଧାନମନ୍ତ୍ରୀ ଉତ୍ତର ପୂର୍ବର ବିକାଶ ପାଇଁ ନିରନ୍ତର କାର୍ଯ୍ୟ କରୁଛନ୍ତି। ତାଙ୍କର ଦୃଷ୍ଟିକୋଣ ହେଉଛି ଦେଶର ପ୍ରତ୍ୟେକ କୋଣରେ ସଂଯୋଗ ରହିବା ଉଚିତ୍। ଗତ ୧୦ ବର୍ଷ ମଧ୍ୟରେ ସିକ୍କିମରେ ଘଟିଥିବା ପରିବର୍ତ୍ତନଗୁଡିକ ନିଜେ ଦେଖିପାରିବେ। ଏପ୍ରିଲ ୧୯ରେ ୩୨ଟି ବିଧାନସଭା ଆସନ ଏବଂ ସିକ୍କିମର ଗୋଟିଏ ଲୋକ ସଭା ଆସନରେ ଭୋଟ ଗ୍ରହଣ କରାଯିବ।
ଘୋଷଣା ପତ୍ର ପ୍ରକାଶ କରି ନଡା କହିଛନ୍ତି ଯେ ଗତ ୧୦ ବର୍ଷ ମଧ୍ୟରେ ଉତ୍ତର-ପୂର୍ବରେ ମୋଦି ଜିଙ୍କ ଦ୍ୱାରା ୫ ଲକ୍ଷ କୋଟି ଟଙ୍କା ଖର୍ଚ୍ଚ ହୋଇଛି। ପ୍ରଧାନମନ୍ତ୍ରୀ ହେବା ପରେ ମୋଦି ‘ଲୁକ ଇଷ୍ଟ, ଆକ୍ଟ ଇଷ୍ଟ’ ନୀତି ପ୍ରସ୍ତୁତ କରିଥିଲେ। ସିକ୍କିମରେ ପ୍ରାୟ ୫୫ ହଜାର କୋଟି ଟଙ୍କା ମୂଲ୍ୟର ପ୍ରକଳ୍ପର ମୂଳଦୁଆ ପ୍ରଧାନମନ୍ତ୍ରୀ ଉଦ୍ଘାଟନ କରିଥିଲେ।
ଜାଣନ୍ତୁ ଇସ୍ତାହାରରେ କ’ଣ ରହିଛି
ଜେପି ନଡା କହିଛନ୍ତି, ଆମେ ଧାରା ୩୭୧ଏଫ୍ର ଆତ୍ମା ଏବଂ ଏହାର ତତ୍ତ୍ୱଗୁଡ଼ିକୁ ସୁରକ୍ଷା ଦେବୁ।ତ୍
କେନ୍ଦ୍ର ସରକାରଙ୍କ ସହଯୋଗରେ ରାଜ୍ୟରେ ଏକ ବିଶ୍ୱ ସ୍ତରୀୟ ପରିଚାଳନା ପ୍ରତିଷ୍ଠାନ, ଆଇଆଇଏମ ପ୍ରତିଷ୍ଠା ହେବ। ସିକ୍କିମରେ ଭାଜପା ନ୍ୟାଶନାଲ ଇନଷ୍ଟିଚ୍ୟୁଟ ଅଫ ଡିଜାଇନ ମଧ୍ୟ ନିର୍ମାଣ କରିବ।
ରାଜ୍ୟର ଯୁବକମାନଙ୍କୁ ସଶକ୍ତିକରଣ ତଥା ପର୍ଯ୍ୟଟନକୁ ପ୍ରୋତ୍ସାହିତ କରିବା ପାଇଁ ଭାଜପା ମଧ୍ୟ ନିଜର ଘୋଷଣା ପତ୍ରରେ ରାଜ୍ୟରେ ହୋଟେଲ ମ୍ୟାନେଜମେଣ୍ଟ ଇନଷ୍ଟିଚ୍ୟୁଟ ନିର୍ମାଣ କରିବାକୁ ଘୋଷଣା କରିଛି।
ପ୍ରଧାନମନ୍ତ୍ରୀ କିଷାନ ଯୋଜନା ଅଧୀନରେ ଚାଷୀଙ୍କୁ ବାର୍ଷିକ ୯,୦୦୦ ଟଙ୍କା ସହାୟତା ଦିଆଯିବ, ଯାହା ବର୍ତ୍ତମାନ ବାର୍ଷିକ ୬,୦୦୦ ଟଙ୍କା ଅଟେ।
