ନୂଆଦିଲ୍ଲୀ,୫।୧୧ : ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟିର ସଂଯୋଜକ ଅରବିନ୍ଦ କେଜ୍ରିୱାଲ ଭାଜପା ସରକାରଙ୍କ ପୁଣି ଟାର୍ଗେଟ କରିଛନ୍ତି। ସେ କହିଛନ୍ତି ଯେ ଗୁଜରାଟ ର୍ନିବାଚନରେ ପ୍ରତିଦ୍ୱନ୍ଦ୍ୱିତା ନକରିବାକୁ ଭାଜପା ମୋତେ ପ୍ରସ୍ତାବ ଦେଇଛି। ମୋତେ କୁହାଯାଇଛି ଗୁଜରାଟ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କର ନାହିଁ। ଏଭଳି ମନ୍ତ୍ରୀ ସତ୍ୟେନ୍ଦ୍ର ଜେନା ଏବଂ ମନୀଷ ସିସୋଡିଆକୁ ସୁରକ୍ଷା ପ୍ରଦାନ କରାଯିବ।
ସିସୋଡିଆଙ୍କୁ ପଚରାଉଚରା ବେଳେ ସିବିଆଇ ପ୍ରଶ୍ନ ସଂଖ୍ୟାକୁ କମାଇ ଅଫର ଦେଇଥିଲା ଯେ, କେଜ୍ରିୱାଲଙ୍କ ପକ୍ଷ ଛାଡି ଦିଅ। ଏପରି କଲେ ଆପଣଙ୍କୁ ମୁଖ୍ୟମନ୍ତ୍ରୀ କରାଯିବ।
ତେବେ ସିସୋଡିଆ ଏଏପି ଛାଡି ଦିଲ୍ଲୀର ମୁଖ୍ୟମନ୍ତ୍ରୀ ହେବା ପ୍ରସ୍ତାବକୁ ପ୍ରତ୍ୟାଖ୍ୟାନ କରିଛନ୍ତି। ତେଣୁ ବର୍ତ୍ତମାନ ସେ ମୋ ସହ ଯୋଗାଯୋଗ କରିଛନ୍ତି। ସେମାନେ କହିଛନ୍ତି ଯେ ଯଦି ଆପଣ ଗୁଜରାଟକୁ ଛାଡି ଦିଅନ୍ତି ଏବଂ ସେଠାରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା ନ କରନ୍ତି। ତେବେ ଆମେ ଉଭୟ ସତ୍ୟେନ୍ଦ୍ର ଜୈନ ଏବଂ ସିସୋଡିଆ ଛାଡିଦେବୁ। ସେମାନଙ୍କ ବିରୋଧରେ ଥିବା ସମସ୍ତ ଅଭିଯୋଗ ହଟାଇ ଦିଆଯିବ।
କିଏ ଏହି ପ୍ରସ୍ତାବ ଦେଇଛନ୍ତି ବୋଲି ପଚରାଯିବାରୁ କେଜ୍ରିୱାଲ କହିଛନ୍ତି, ମୁଁ କିପରି କାହାର ନାମ ନେଇ ପାରିବି। ଏହି ଅଫର ସେମାନଙ୍କ ମାଧ୍ୟମରେ ଆସିଛି। ଦେଖନ୍ତୁ ଯେ ଭାଜପା କେବେ ବି ସିଧାସଳଖ ଯୋଗାଯୋଗ କରି ନଥାଏ। ଭାଜପା ଜଣଙ୍କ ମାଧ୍ୟମରେ ଅନ୍ୟ ଜଣଙ୍କ ପାଖକୁ ଯାଇଥାନ୍ତି।
