ଶଙ୍ଖ ଭବନରେ ନେତ୍ରୀ ହାତାହାତି ପରେ, ଆସିକାରେ ବିଜେଡି ଦୁଇ ଫାଳ ପ୍ରତିଷ୍ଠା ଦିବସରେ..
ଭୁବନେଶ୍ୱର,୨୭।୧୨: ଗଞ୍ଜାମ ଜିଲା ଆସିକାରେ ବିଜେଡି ଦୁଇ ଫାଳ । ଗୁରୁବାର ବିଜେଡିର ୨୮ ତମ ପ୍ରତିଷ୍ଠା ଦିବସ ଥିବାବେଳେ ଆସିକା ନିର୍ବାଚନମଣ୍ଡଳୀରେ ପୃଥକ ପୃଥକ ଭାବେବିଜେଡିର ଦୁଇ ଗୋଷ୍ଠୀ ପ୍ରତିଷ୍ଠା ଦିବସ ପାଳନ କରିଛନ୍ତି । ଏହି ଅବସରରେ ଆସିକା ନଗର ସଭାପତି ସତ୍ୟନାରାୟଣ ସ୍ୱାଇଁ ଓ ଏନଏସି ଚେୟାରମ୍ୟାନ ବିନେତା ସ୍ୱାଇଁ କାଉସିଲରମାନଙ୍କୁ ନେଇ ବିଜୁ ବାବୁଙ୍କ ପ୍ରତିମୂର୍ତ୍ତିରେ ପୁସ୍ପମାଲ୍ୟ ପ୍ରଦାନ କରି ପ୍ରତିଷ୍ଠା ଦିବସ ପାଳନ କରିଥିଲେ
ଅନ୍ୟପଟେ ଆସିକା ପୂର୍ବତନ ଏମପି ଓ ଆସିକା ପୂର୍ବତନ ବିଧାୟିକାଙ୍କ ନେତୃତ୍ୱରେ ଅନ୍ୟ ଏକ ଗୋଷ୍ଠି ନିଜ ନିଜ ସାମର୍ଥକଙ୍କୁ ନେଇ ଦଳୀୟ କାର୍ଯ୍ୟାଳୟ ଠାରୁ ଏକ ବାଇକ ରାଲି କରି ବିଜୁ ବାବୁଙ୍କ ପ୍ରତି ମୃତିରେ ପୁସ୍ପମାଲ୍ୟ ଦେଇ ଆସିକା ମେଡିକାଲରେ ରୋଗିଙ୍କୁ ଫଳ ବଂଟନ କରିଥିଲେ । ପରେ ଦେବଭୁମି ଠାରେ ଏକ ବୈଠକ କରି ଦଳର ସଂଗଠନ ବିଷୟରେ ଅଲୋଚନା କରିଥିଲେ । ଏଥିରେ ମଧ୍ୟ ଦଳର କେତେକ ପୁରୁଖା ନେତାଙ୍କ ନଜର ନଥିଲା । ଗଞ୍ଜାମ ଜୋନ ବିଜୁ ଜନତା ଦଳର ସଭାପତି ନଚିକେତା ସ୍ୱାଇଁ କହିଛନ୍ତି ଆସିକାରେ ଦଳ ସୁଦୃଢ ଅଛି, ଦଳରେ ସେମିତି କିଛି ଭାଗ ନାହିଁ।
ତେବେ
ଅପରପକ୍ଷେ ବିଜେଡି ମୁଖ୍ୟକାର୍ଯ୍ୟାଳୟ ଶଙ୍ଖ ଭବନ ଭିତରେ ଦୁଇ ମହିଳା କର୍ମୀ ହାତାହାତି ହୋଇଥିଲେ । ବିଜେଡି ଯୁବନେତ୍ରୀ ଈପ୍ସିତା ସାହୁଙ୍କୁ ନିଜ ଦଳର ଜଣେ ମହିଳା କର୍ମୀ ଚାପୁଡ଼ା ମାରିଥିବା ଜଣାପଡ଼ିଛି। ଗୁରୁବାର ବିଜେଡି ପ୍ରତିଷ୍ଠା ଦିବସ କାର୍ଯ୍ୟକ୍ରମ ବେଳେ ଏଭଳି ଘଟଣା ଦେଖିବାକୁ ମିଳିଛି। ଷ୍ଟେଜ୍ ସମ୍ମୁଖରେ ଚେୟାର ପକାଇବାକୁ ନେଇ ଏହି ଗଣ୍ଡଗୋଳ ହୋଇଥିବା ଜଣାପଡ଼ିଛି।
