କୋରାପୁଟ,୨୫।୨(ଅମିତାଭ ବେହେରା): କୋରାପୁଟ ଜିଲା ଜୟପୁର ପୌର ପରିଷଦ ଅଧ୍ୟକ୍ଷଙ୍କ ବିରୋଧରେ ଦୁର୍ନୀତି ଓ ଅନିୟମିତତା ଅଭିଯୋଗ ନେଇ ବିଜେଡିର ଜିଲା କାର୍ଯ୍ୟକାରୀ ସଭାପତି ଦୁର୍ଗା ମିଶ୍ର, ପୂର୍ବତନ ପୌରାଧ୍ୟକ୍ଷ ସୂର୍ଯ୍ୟନାରାୟଣ ରଥଙ୍କ ନେତୃତ୍ୱରେ ବହୁ କାଉନସିଲର ଜିଲାପାଳଙ୍କୁ ଅଭିଯୋଗ ପତ୍ର ଦେଇ ଭିଜିଲାନ୍ସ ତଦନ୍ତ ଦାବି କରିଛନ୍ତି। ଏଥିସହ ପ୍ରଚଳିତ ପୌର ପରିଷଦକୁ ସ୍ଥଗିତ କରିବା ନେଇ ସରକାରଙ୍କୁ ସୁପାରିସ କରିବାକୁ ଦାବି କରିଛନ୍ତି। ଜୟପୁର ପୌରାଧ୍ୟକ୍ଷ ନରେନ୍ଦ୍ର ମହାନ୍ତି ନିଜସ୍ବ ଲାଭ ପାଇଁ ଭୁଲ୍ ମେଡିକାଲ ସାର୍ଟିଫିକେଟ୍ ବ୍ୟବହାର କରି ବସ୍ ପରମିଟ ନେଇଥିବା ଅଭିଯୋଗ ରହିଛି। ସେ ୧୦୬ ଦିନ ଚିକିତ୍ସାଧୀନ ଥିବା ଦର୍ଶାଇ ସାର୍ଟିଫିକେଟ ଦେଇଥିବା ସତ୍ତ୍ୱେ ସେହି ସମୟରେ ପୌରସଭା କାର୍ଯ୍ୟାଳୟକୁ ଯାଇ କାମ କରିଥିବା, ଡିଜେଲ ଗ୍ରହଣ କରିଥିବା ଓ ବିଭିନ୍ନ ଉନ୍ନୟନ କାମର ଉଦ୍ଘାଟନ କରିଥିବା ଅଭିଯୋଗକାରୀମାନେ କହିଛନ୍ତି। ଏଥିଯୋଗୁ ପଦମର୍ଯ୍ୟାଦାର ଦୁର୍ବ୍ୟବହାର ହୋଇଥିବା କୁହାଯାଇଛି। ଜୟପୁରର ଜଗନ୍ନାଥ ସାଗର ଉନ୍ନୟନ ପ୍ରକଳ୍ପରେ ମଧ୍ୟ ବ୍ୟାପକ ଅନିୟମିତତା ଘଟିଥିବା ଅଭିଯୋଗ କରାଯାଇଛି। ସରକାରୀ ଅନୁଦାନ ସହ ଅନ୍ୟାନ୍ୟ ସଂସ୍ଥାରୁ ମିଳିଥିବା ଅର୍ଥର ସ୍ପଷ୍ଟ ତଥ୍ୟ ସାର୍ବଜନୀନ କରାଯାଇ ନ ଥିବା କୁହାଯାଇଛି। ପ୍ରକଳ୍ପର ମୋଟ ଅନୁମୋଦିତ ଖର୍ଚ୍ଚ, ବିସ୍ତୃତ ଆନୁମାନିକ ମୂଲ୍ୟ, ବ୍ୟୟ ବିବରଣୀ ଓ ଟେଣ୍ଡର ପ୍ରକ୍ରିୟାରେ ପାରଦର୍ଶିତା ନ ଥିବା ଅଭିଯୋଗ ହୋଇଛି। ଏ ନେଇ ଶୀଘ୍ର ତଦନ୍ତକରି ଦୋଷୀଙ୍କ ବିରୋଧେ
