ଢେଙ୍କାନାଳ,୫।୪(ବ୍ୟୁରୋ): ଢେଙ୍କାନାଳ ଜିଲା ହିନ୍ଦୋଳ ଏନ୍ଏସି ନିର୍ବାଚନ ଭୋଟ ଗଣତି ଶେଷ ହୋଇଛି। ଚଳିତ ନିର୍ବାଚନରେ ବିଜେଡି ନଗରପାଳ ପଦ ସହ ମୋଟ ୧୬ କାଉନସିଲର ପଦବୀ ମଧ୍ୟରୁ ୧୧ଟି ୱାର୍ଡରେ ବିଜୟୀ ହୋଇଛି । ଏଥି ସହ ବିଜେଡିି ଏନ୍ଏସି ଦଖଲ କରିଛି । ଭାଜପାକୁ ୫ଟି ଆସନ ମିଳିଛି । ବିଜେଡି ପ୍ରାର୍ଥୀ କେଶବ ଚନ୍ଦ୍ର ପ୍ରଧାନ ୪୩୪୭ ଖଣ୍ଡ ଭୋଟ ପାଇଥିଲା ବେଳେ ଭାଜପା ପ୍ରାର୍ଥୀ ଶୋଭାଗିନି ପ୍ରଧାନ ୩୯୨୩ ଖଣ୍ଡ ଭୋଟ ପାଇଛନ୍ତି। ସେହିପରି କଂଗ୍ରେସ ପ୍ରାର୍ଥୀ ରୀତା ପଲେଇ ୨୧୯ ଖଣ୍ଡ ଭୋଟ ପାଇଥିଲେ। ନୋଟାକୁ ୧୫୧ ଖଣ୍ଡ ଭୋଟମିଳିଛି। ବିଜେଡିର କେଶବ ଚନ୍ଦ୍ର ପ୍ରଧାନ ହିନ୍ଦେଳ ଏନ଼୍ଏସିର ନୂତନ ନଗରପାଳ ପଦବୀ ହାସଲ କରିଛନ୍ତି । ଢେଙ୍କାନାଳ ବିଧାୟକ ସୁଧୀର କୁମାର ସାମଲ, ହିନ୍ଦୋଳ ବିଧାୟିକା ସିମାରାଣୀ ନାୟକ ନବନିର୍ବାଚିତ ନଗରପାଳ ଓ କାଉନସିଲର ପ୍ରାର୍ଥୀ ମାନଙ୍କୁ ଶୁଭେଚ୍ଛା ଜଣାଛନ୍ତି। ପରେ ବିଜେଡି ନେତୃବୃନ୍ଦ ବିଜୟ ଶୋଭାଯାତ୍ରାରେ ଯାଇ ଏନଏସି ଅଞ୍ଚଳ ପରିକ୍ରମା କରିଥିଲେ ।
