ବଲାଙ୍ଗୀର, ୧୮।୯ (ସୁନିଲ ମହାନ୍ତି) ବଲାଙ୍ଗୀର ସହରର ବିଭିନ୍ନ ସ୍ଥାନରେ ବିଶ୍ୱକର୍ମା ପୂଜା ଉତ୍ସାହ ଓ ଉଦ୍ଦୀପନାର ସହ ଅନୁଷ୍ଠିତ ହୋଇଛି। ବଲାଙ୍ଗୀର ନୂତନ ବସ ଚର୍ମିନାଲଠାରେ ଘରୋଇ ବସ ମାଲିକ ସଂଘ, ସହରର ଆଇନ ମହାବିଦ୍ୟାଳୟ ସ୍ଥିତ ରାସ୍ତାକଡ ଟ୍ରକ ଅପ୍ରେଟର ଆସୋସିଏଶନ ଅଫିସ , ସର୍କିଟ ହାଉସ ରାସ୍ତା କଡରେ ଜିଲା ବଢ଼େଇ ସଂଘ ଏବଂ ରାଜ୍ୟ ସଡକ ପରିବହନ ନିଗମ ଗ୍ୟାରେଜ, ସାଲେପାଲିସ୍ଥିତ ଚନ୍ଦ୍ରଜ୍ୟୋତି ଗ୍ୟାସ ଗୋଦାମ, ରାଜୀବ ନଗର ଚସକା ଫେକ୍ଟରୀ,ଖମାରମୁଣ୍ଡା ସ୍ଥିତ କେବିକେ ଆଇଟିଆଇ, ସଦାଇପାଲି ସାଇଟ , କର୍କିପାଲି ସ୍ଥିତ ଆଇଟିଆଇ ପରିସରରେ ବିଶ୍ୱକର୍ମା ପୂଜା ଅନୁଷ୍ଠିତ ହୋଇଥିଲା। ଏହା ସହିତ ସହରର ବିଭିନ୍ନ ଗ୍ୟାରେଜ, ସର୍ଭିସ ସେଣ୍ଟର, ସୋ ରୁମ ଠାରେ ବିଶ୍ୱକର୍ମା ପୂଜା ଅନୁଷ୍ଠିତ ହୋଇଛି। ଏହା ସହିତ ସହରରେ ବିଦ୍ୟୁତ୍ ବିଭାଗ, ଜନ ସ୍ବାସ୍ଥ୍ୟ ବିଭାଗ,ଅଟୋ ଷ୍ଟାଣ୍ଡ , ଟ୍ୟାକ୍ସି ଷ୍ଟାଣ୍ଡ ଓ ବିଭିନ୍ନ ଦୋକାନରେ ବିଶ୍ୱକର୍ମା ପୂଜା କରାଯାଇଛି। ଚଳିତବର୍ଷ ଅନେକ ସ୍ଥାନରେ ପୂଜା ମଣ୍ଡପରେ ବିଶ୍ୱକର୍ମା ମୃଣ୍ମୟ ମୂର୍ତ୍ତି ଓ ମେଢ଼ ବେଶ ଆକର୍ଷଣୀୟ ହୋଇଛି l
