ବାରିପଦା,୧୩ା୧(ନୀଳାଦ୍ରି ବିହାରୀ ଦଣ୍ଡପାଟ): ମୟୂରଭଞ୍ଜ ଜିଲା ଘାଘରବେଡ଼ା ଥାନା ଅଧୀନ ଶଙ୍କରପୁର ନିକଟରେ ଶନିବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୩ ଜଣଙ୍କର ମୃତ୍ୟୁ ଘଟିଥିବା ବେଳେ ୨ଜଣ ଗୁରୁତର ହୋଇଛନ୍ତି। ମୃତକ ମାନେ ହେଲେ ବୁଡାମରା ଅଞ୍ଚଳର ରାଜ କିଶୋର ମହାକୁଡ଼, ମୁଟୁ ହୋ ଓ ରାଇକଳା ଗ୍ରାମର ଫକୀର ବେହେରା । ଗୁରୁତର ଦ୍ବୟ ହେଲେ ବିକି ହୋ ଏବଂ ଜିତୁ ବେହେରା ।
ସୂଚନାଯୋଗ୍ୟ, ଦୁଇଟି ଗାଡ଼ି ବିପରୀତ ଦିଗରୁ ଦ୍ରୁତ ଗତିରେ ମୁହାଁମୁହିଁ ହୋଇଥିଲା। ଫଳରେ ଦୁର୍ଘଟଣାସ୍ଥଳରେ ୩ ଜଣଙ୍କର ମୃତ୍ୟୁ ହୋଇଥିଲା। ୨ ଜଣ ଗୁରୁତର ଥିବା ଘାଘରବେଡ଼ା ଥାନା ଅଧିକାରୀ ସୂଚନା ଦେଇଛନ୍ତି। ଗୁରୁତର ଦ୍ୱୟଙ୍କୁ କେନ୍ଦୁଝର ଜିଲା ଚମ୍ପୁଆ ଡାକ୍ତରଖାନାରେ ଭର୍ତ୍ତି କରାଯାଇଛି। ଦୁର୍ଘଟଣାସ୍ଥଳରେ ଘାଘରବେଡ଼ା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
