ଦିଗପହଣ୍ଡି,୩।୧୧(ଡି.ଏନ.ଏ.): ଗଞ୍ଜାମ ଜିଲା ଦିଗପହଣ୍ଡି-ଚିକିଟି ମୁଖ୍ୟ ରାସ୍ତାରେ ଥିବା ପଦ୍ମନାଭପୁର ବନ୍ଧ ନିକଟରେ ଗୁରୁବାର ବାଇକ୍ ସହ ବାଇକ୍ ମୁହାଁମୁହିଁ ଧକ୍କା ହୋଇଛି। ଫଳରେ ଦୁଇ ଜଣ ଗୁରୁତର ଆହତ ହୋଇଥିବା ଜଣାପଡିଛି। ସେମାନେ ହେଲେ ପେଣ୍ଡୁରାବାଡି ଗ୍ରାମର ଅଞ୍ଚଳ ପଣ୍ଡା ଏବଂ ମଧୁବନ ସ୍କୁଲ୍ ଶିକ୍ଷକ ସନ୍ତୋଷ କୁମାର ଗୌଡ। ଘଟଣାସ୍ଥଳରୁ ଗୁରୁତର ଦୁହଁିଙ୍କୁ ସ୍ଥାନୀୟ ଲୋକଙ୍କ ସହାୟତାରେ ଉଦ୍ଧାର କରି ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରେ ପ୍ରାଥମିକ ଚିକିତ୍ସା କରିବା ପରେ ବ୍ରହ୍ମପୁର ବଡ ମେଡିକାଲକୁ ପଠାଯାଇଥିବା ଜଣାପଡିଛି।
ସୁଚନାଯୋଗ୍ୟ, ଶିକ୍ଷକ ସନ୍ତୋଷ କୁମାର ଗୌଡ ସକାଳେ ବାଇକ୍ ଯୋଗେ ଦିଗପହଣ୍ଡି ମଧୁବନ ସ୍କୁଲ୍କୁ ଯାଉଥିବା ବେଳେ ପଦ୍ମନାଭପୁର ପୋଖରୀ ନିକଟରେ ବିପରୀତ ଦିଗରୁ ଆସୁଥିବା ଅଞ୍ଚଳ ପଣ୍ଡା ଭାରସାମ୍ୟ ହରାଇ ବାଇକ୍କୁ ଧକ୍କା ଦେଇଥିଲେ।
