ନୂଆଦିଲ୍ଲୀ,୧୪।୧୨ : ବିହାର ମଦମୃତ୍ୟୁ ତାତି ଲୋକ ସଭାରେ ଦେଖିବାକୁ ମିଳିଛି। ବୁଧବାର ଭାଜପା ସଦସ୍ୟ ଲୋକ ସଭାରେ ବିହାରରେ ଘଟିଥିବା ମଦ ମାମଲା ପ୍ରସଙ୍ଗ ଉଠାଇ ସରନ ପୋଲିସ ଅଧୀକ୍ଷକଙ୍କୁ ତୁରନ୍ତ ନିଲମ୍ବନ କରିବାକୁ ଦାବି କରିଛନ୍ତି। ଜନାର୍ଦ୍ଦନ ସିଂ ସିଗ୍ରିୱାଲ ଦାବି କରିଛନ୍ତି ଯେ ବିହାରରେ ପ୍ରତିଦିନ ବେଆଇନ ମଦ୍ୟପାନ ଯୋଗୁଁ ଶହ ଶହ ଲୋକଙ୍କ ମୃତ୍ୟୁ ଘଟୁଛି।
ସେ କହିଛନ୍ତି ଯେ ବିହାରର ସରନ ଜିଲାରେ ହୋଇଥିବା ବିଷାକ୍ତ ମଦ୍ୟପାନ ଘଟଣାରେ ୧୨ରୁ ଅଧିକ ଲୋକ ପ୍ରାଣ ହରାଇଛନ୍ତି। ମଙ୍ଗଳବାର ବିଳମ୍ବିତ ରାତିରେ ଇଶୁପୁର ପୋଲିସ ଷ୍ଟେଶନ ଅଞ୍ଚଳରେ ବେଆଇନ ମଦ୍ୟପାନ ପରେ ସମ୍ପୃକ୍ତ ଲୋକଙ୍କର ମୃତ୍ୟୁ ଘଟିଥିବା ବେଳେ ବହୁ ଲୋକ ଅସୁସ୍ଥ ହୋଇପଡିଥିଲେ। ଏନେଇ ରାଜ୍ୟ ସରକାର ତୁରନ୍ତ ପଦକ୍ଷେପ ନେବା ଜରୁରୀ ବୋଲି ସେ ଦାବି କରିଛନ୍ତି।
