ଦାରିଙ୍ଗବାଡି,୧୦।୧୨(ଅରୁଣ ସାହୁ):କନ୍ଧମାଳ ଜିଲା ଦାରିଙ୍ଗବାଡିର ହେଲିପ୍ୟାଡ଼ ପଡିଆଠାରେ ବୁଧବାର ବ୍ଲକସ୍ତରୀୟ କ୍ରୀଡା ମହୋତ୍ସବ ଅନୁଷ୍ଠିତ ହୋଇଯାଇଛି। ପ୍ରକାଶ ଯେ, ଅନୁସୂଚିତ ଜନଜାତି ଓ ଜାତି ଉନ୍ନୟନ ବିଭାଗ ପକ୍ଷରୁ ବିଭାଗ ଅଧୀନରେ ରହିଥିବା ବିଦ୍ୟାଳୟର ଛାତ୍ରୀଛାତ୍ରମାନଙ୍କୁ ନେଇ ଏହି କ୍ରୀଡା ମହୋତ୍ସବ କରାଯାଇଛି। ବ୍ଲକ ମଙ୍ଗଳ ସମ୍ପ୍ରସାରଣ ଅଧିକାରୀ ବିଶ୍ୱଜିତ ଜାଲିଙ୍କ ତତ୍ତ୍ୱାବଧାନରେ ଜିଲା ଅଧିକାରୀ ଏବଂ ବିଡ଼ିଓ ପ୍ରୀତିରଞ୍ଜନ ରଥଙ୍କ ନିର୍ଦ୍ଦେଶକ୍ରମେ କାର୍ଯ୍ୟକ୍ରମରେ ଜୁନିୟର ଓ ସିନିୟର ଛାତ୍ରୀଛାତ୍ରମାନଙ୍କୁ ୨ ଭାଗରେ ନିଆଯାଇ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି।
ଏଥିରେ ୧ ଶହ ମିଟର ଦୌଡ଼ଠାରୁ ଆରମ୍ଭ କରି ୧୫ଶହ ମିଟର ପର୍ଯ୍ୟନ୍ତ ଦୌଡ଼ ସମେତ ଲମ୍ବା ଡିଆଁ, ଉଚ୍ଚ ଡିଆଁ, ଡିସ୍କକାଶ ଥ୍ରୋ,ସଟ ଫୁଟ ଫୁଟବଲ, ଖୋ ଖୋ ଆଦି ଖେଳକୁ ଜୁନିୟର-ସିନିୟର ଛାତ୍ରୀଛାତ୍ରଙ୍କୁ ନେଇ ପ୍ରତିଯୋଗିତା ହୋଇଥିଲା। ଏଥିରେ ପ୍ରଥମ ସ୍ଥାନରେ କୃତିତ୍ୱ ଅର୍ଜନ କରିଥିବା ଛାତ୍ରୀଛାତ୍ର ଆସନ୍ତା ୧୫ ଓ ୧୬ ରେ ଜିଲାସ୍ତରୀୟ କ୍ରୀଡା ଉତ୍ସବରେ ଯୋଗଦାନ କରିବେ ବୋଲି ବ୍ଲକ ମଙ୍ଗଳ ସମ୍ପ୍ରସାରଣ ଅଧିକାରୀ ବିଶ୍ୱଜିତ ଜାଲି କହିଛନ୍ତି । ଏହି ମହୋତ୍ସବକୁ ଦାରିଙ୍ଗବାଡି ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରଧାନ ଶିକ୍ଷକ ଉମାଶଙ୍କର ସାମନ୍ତରାୟ ଏବଂ ଇନଚାର୍ଜ ପ୍ରିନ୍ସପାଲ ସୋନାଲିକା ପୃଷ୍ଟି ଉଦଘାଟନ କରିଥିଲେ। ଏହି ଖେଳକୁ କ୍ରୀଡା ଶିକ୍ଷୟିତ୍ରୀଶିକ୍ଷକମାନେ ପରିଚାଳନା କରିଥିଲେ। ସେମାନେ ହେଲେ କନ୍ୟାଶ୍ରମର କ୍ରୀଡା ଶିକ୍ଷୟତ୍ରୀ ଚନ୍ଦ୍ର ରେଖା ପ୍ରଧାନ,ଉଲିପଦର ରାଜେଶ ସାହୁ, ବୁଡ଼ାଗୁଡା ବିଦ୍ୟାଳୟର ବିସ୍ମିତ ରଞ୍ଜନ ନାୟକ,ବିରାଗାଡ଼ା ବିଦ୍ୟାଳୟର ରୁଦ୍ଧେଦେବ ବେହେରା ପ୍ରମୁଖ ରହିଥିଲେ।
Dharitri – Odisha’s No.1 Odia Daily
