ଚେନ୍ନାଇ,୧।୪: କ୍ରିକେଟରଙ୍କ ପାଇଁ ବାୟୋ ବବଲର ପରିବେଶ ସହଜ ନୁହେଁ । ଖେଳାଳିମାନେ ଗୋଟିଏ ସିରିଜରୁ ଅନ୍ୟ ସିରିଜକୁ ବିନା ବିରତିରେ ଯାଉଛନ୍ତି। ଏପରି ପରିସ୍ଥିତିରେ ଖେଲାଳିଙ୍କର ମାନସିକ ଏବଂ ଶାରୀରିକ ଅବସ୍ଥା ବହୁତ ପ୍ରଭାବିତ ହେଉଛି। ବାୟୋ ବବୁଲ ଭୟ ହେତୁ ଅନେକ ଖେଳାଳି ଆଇପିଏଲ ଟୁର୍ନାମେଣ୍ଟରୁ ସେମାନଙ୍କ ନାମ ପ୍ରତ୍ୟାହାର କରୁଛନ୍ତି। ଏଭଳି ପରିସ୍ଥିତିରେ ଇଣ୍ଡିଆନ ପ୍ରିମିୟର ଲିଗ ୨୦୨୧ ଖୋଲିବା ପୂର୍ବରୁ ଚେନ୍ନାଇ ସୁପର କିଙ୍ଗ୍ସକୁ ଏକ ଝଟ୍କା ଲାଗିଛି। ମିଳିଥିବା ସୂଚନା ଅନୁଯାୟୀ, ଅଷ୍ଟ୍ରେଲୀୟ ଦ୍ରୁତ ବୋଲର ଜୋଶ ହେଜେଲଉଡ ଆଇପିଏଲର ୧୪ତମ ସିଜିନରୁ ତାଙ୍କ ନାମ ପ୍ରତ୍ୟାହାର କରି ନେଇଛନ୍ତି। ଆଇସିସି ଟି -୨୦ ବିଶ୍ୱକପ ପୂର୍ବରୁ ଇଣ୍ଡିଆନ ପ୍ରିମିୟର ଲିଗ ଟୁର୍ନାମେଣ୍ଟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ।
ଜୋଶ ହେଜେଲଉଡ ଟି-୨୦ ଟୁର୍ନାମେଣ୍ଟରୁ ପ୍ରତ୍ୟାହାର କରିଥିବା ପ୍ରଥମ ଅଷ୍ଟ୍ରେଲୀୟ ଖେଳାଳି ନୁହଁନ୍ତି। ତାଙ୍କ ପୂର୍ବରୁ ମିଚେଲ ମାର୍ଶ ମଧ୍ୟ ନାମ ପ୍ରତ୍ୟାହାର କରିଛନ୍ତି। ମାର୍ଶ ସନରାଇଜର୍ସ ହାଇଦ୍ରାବାଦର ଏକ ଅଂଶ ଥିଲେ। ବାୟୋ ବବଲରେ ରହିବା ପରିବର୍ତ୍ତେ ନିଜ ଘରେ ରହିବାକୁ ଏବଂ ଆରାମ କରିବାକୁ ଚାହାଁନ୍ତି। ହେଜେଲଉଡ୍ କହିଛନ୍ତି ଯେ. ଆମେ ପ୍ରାୟ ୧୦ ମାସ ଧରି ବାୟୋ ବବଲ ଏବଂ କ୍ୱାରାଣ୍ଟାଇନ୍ରେ ରହୁଛୁ, ତେଣୁ ମୁଁ କ୍ରିକେଟରୁ ବିଶ୍ରାମ ନେବାକୁ ନିଷ୍ପତ୍ତି ନେଇଛି। ମୁଁ ଆଗାମୀ କିଛି ଦିନ ପରିବାର ସହିତ ବିତାଇବାକୁ ଚାହୁଁଛି। ମୁଁ ଆଗାମୀ ଦୁଇ ମାସ ପାଇଁ ଅଷ୍ଟ୍ରେଲିଆରେ ରହିବାକୁ ଚାହୁଁଛି ବୋଲି ସେ କହିଛନ୍ତି। ସୂଚନାଯୋଗ୍ୟ, ଆଇପିଏଲ ୧୪ରୁ ନିଜ ନାମ ପ୍ରତ୍ୟାହାର କରିଥିବା ଅଷ୍ଟ୍ରେଲୀୟ ଖେଳାଳିମାନେ ହେଲେ: ଜୋସ ହାଜଲେଉଡ, ମିଚେଲ ମାର୍ଶ, ଜୋଶ ଫିଲିପ।
