ଢାକା,୨୬।୧: ବହିଷ୍କୃତ ବାଂଲାଦେଶ ପ୍ରଧାନମନ୍ତ୍ରୀ ଶେଖ ହାସିନାଙ୍କ ସମସ୍ୟା କମିବା ନାଁ ଧରୁନାହିଁ। ଏହି ସମୟରେ ମହମ୍ମଦ ୟୁନୁସଙ୍କ ନେତୃତ୍ୱାଧୀନ ମଧ୍ୟବର୍ତ୍ତିକାଳୀନ ସରକାର ଶେଖ ହାସିନାଙ୍କ ଦ ଆୱାମୀ ଲିଗ୍କୁ ନିର୍ବାଚନ ଲଢ଼ିବା ପାଇଁ ମ ନିଷିଦ୍ଧ କରିଛି।
ମହମ୍ମଦ ୟୁନୁସ୍ଙ୍କ ମଧ୍ୟବର୍ତ୍ତିକାଳୀନ ସରକାରଙ୍କ ଜଣେ ପ୍ରମୁଖ ପରାମର୍ଶଦାତା ଘୋଷଣା କରିଥିଲେ ଯେ ଶେଖ ହାସିନାଙ୍କ ଆୱାମୀ ଲିଗ୍କୁ ଭବିଷ୍ୟତ ନିର୍ବାଚନରେ ଅଂଶଗ୍ରହଣ କରିବାକୁ ଅନୁମତି ଦିଆଯିବ ନାହିଁ।
ଭେଦଭାବ ବିରୋଧୀ ଆନ୍ଦୋଳନର ଜଣେ ପ୍ରମୁଖ ନେତା ମହଫୁଜ ଆଲମ ଘୋଷଣା କରିଛନ୍ତି ଯେ, ନିର୍ବାଚନ କେବଳ ବାଂଲାଦେଶ ସମର୍ଥକ ଗୋଷ୍ଠୀମାନଙ୍କ ମଧ୍ୟରେ ଲଢ଼ାଯିବ। ସେ କହିଛନ୍ତି, ‘କେବଳ ଖାଲେଦା ଜିଆଙ୍କ ବାଂଲାଦେଶ ନ୍ୟାଶନାଲିଷ୍ଟ ପାର୍ଟି (BNP), ଜମାତ-ଏ-ଇସଲାମି ଏବଂ ଅନ୍ୟାନ୍ୟ ବାଂଲାଦେଶ ସମର୍ଥକ ଗୋଷ୍ଠୀ ଦେଶରେ ସେମାନଙ୍କର ରାଜନୈତିକ କାର୍ଯ୍ୟକଳାପ ଜାରି ରଖିବେ।’ ଉଲ୍ଲେଖନୀୟ ଯେ ଶେଖ ହସିନାଙ୍କ ସରକାର ବିରୋଧରେ ମହଫୁଜ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।
ବିଏନ୍ପି ଯେକୌଣସି ରାଜନୈତିକ ଦଳ ଉପରେ ନିଷିଦ୍ଧାଦେଶକୁ ବିରୋଧ କରିଛି, ଯାହା ଆୱାମୀ ଲିଗ୍ର ରାଜନୈତିକ ଭବିଷ୍ୟତ ଉପରେ ଏକ ସନ୍ତୁଳିତ ମନୋଭାବକୁ ସୂଚିତ କରୁଛି। ଦଳରେ ସାମାନ୍ୟତମ ସୁଧାର ପରେ ଯଥାଶୀଘ୍ର ନିର୍ବାଚନ ପାଇଁ ଦାବି କରିଥିଲା।
ବିଏନ୍ପି ମହାସଚିବ ମିର୍ଜା ଫଖରୁଲ ଇସଲାମ ଆଲମଗିର ସମ୍ପ୍ରତି ଚେତାବନୀ ଦେଇଛନ୍ତି, ମଧ୍ୟବର୍ତ୍ତିକାଳୀନ ସରକାର ଏହାର ସଂସ୍କାରକୁ ଅଧିକ ସମୟ ନେବା ଉଚିତ ନୁହେଁ । କାରଣ ଅଯଥାରେ ଏଥିପାଇଁ ଏକ ଦଶନ୍ଧି ଲାଗିପାରେ। ସେ କହିଥିଲେ, ‘ଏକ ଅନିର୍ବାଚିତ ସରକାର ଅଧିକ ଦିନ ରହିବା ଉଚିତ ନୁହେଁ।
