ନୂଆଦିଲ୍ଲୀ,୧୧।୧୦: ପ୍ରସିଦ୍ଧ ଭୋଜପୁରୀ ଗାୟକ ଏବଂ ସୁପରଷ୍ଟାର ପଓ୍ବନ ସିଂ ଆଗାମୀ ବିହାର ବିଧାନସଭା ନିର୍ବାଚନରେ ଲଢ଼ିବେ ନାହିଁ ବୋଲି ଘୋଷଣା କରିଛନ୍ତି। ସେ ସ୍ପଷ୍ଟ କରିଛନ୍ତି ଯେ ସେ ନିର୍ବାଚନ ଲଢ଼ିବାକୁ ଇଚ୍ଛୁକ ନୁହଁନ୍ତି ଏବଂ କେବଳ ଦଳର ଜଣେ ପ୍ରକୃତ ସୈନିକ ହୋଇ ରହିବାକୁ ଚାହାଁନ୍ତି। ସେ ସୋସିଆଲ ମିଡିଆରେ ଏକ ପୋଷ୍ଟ ମାଧ୍ୟମରେ ଏହି ଘୋଷଣା କରିଛନ୍ତି।
ପଓ୍ବନ ସିଂ ତାଙ୍କ ପୋଷ୍ଟରେ ଲେଖିଛନ୍ତି ଯେ ଭାରତୀୟ ଜନତା ପାର୍ଟି (ଭାଜପା)ରେ ଯୋଗଦେବାର ତାଙ୍କର ଉଦ୍ଦେଶ୍ୟ ନିର୍ବାଚନ ଲଢ଼ିବା ନୁହେଁ। ସେ କହିଛନ୍ତି, ମୁଁ, ପଓ୍ବନ ସିଂ , ମୋର ଭୋଜପୁରୀ ସମ୍ପ୍ରଦାୟକୁ କହିବାକୁ ଚାହୁଁଛି ଯେ ମୁଁ ବିହାର ବିଧାନସଭା ନିର୍ବାଚନ ଲଢ଼ିବା ପାଇଁ ଦଳରେ ଯୋଗ ଦେଇନାହିଁ, କିମ୍ବା ମୁଁ ବିଧାନସଭା ନିର୍ବାଚନ ଲଢ଼ିବାକୁ ଚାହୁଁନାହିଁ।” ଏହି ପୋଷ୍ଟ ତାଙ୍କ ନିର୍ବାଚନ ଲଢ଼ିବା ନେଇ ଚାଲିଥିବା କଳ୍ପନାଜଳ୍ପନାର ଅନ୍ତ ଘଟାଇଛି।
