ବଲିଉଡ ଅଭିନେତା ଅଭିଷେକ ବଚ୍ଚନ ସୋସିଆଲ ମିଡିଆରେ ବହୁତ ସକ୍ରିୟ। ନିଜ ପ୍ରଶଂସକଙ୍କ ସହ ସର୍ବଦା ଯୋଡି ହେବାକୁ ଚେଷ୍ଟା କରନ୍ତି। ଫିଲ୍ମ ‘ରିଫ୍ୟୁଜି’ରୁ କ୍ୟାରିୟର ଆରମ୍ଭ କରିଥିବା ଅଭିଷେକ ବଚ୍ଚନ ତାଙ୍କ କ୍ୟାରିୟରରେ ଏପର୍ଯ୍ୟନ୍ତ ଅନେକ ହିଟ୍ ଚଳଚ୍ଚିତ୍ରରେ କାମ କରିଛନ୍ତି। ସମ୍ପ୍ରତି ଜଣେ ଉପଭୋକ୍ତା ତାଙ୍କୁ ତାଙ୍କ ପିତା ତଥା ଶତାବ୍ଦୀର ମହାନାୟକ ଅମିତାଭ ବଚ୍ଚନଙ୍କ ଅପେକ୍ଷା ଜଣେ ଭଲ ଅଭିନେତା ବୋଲି ଟୁଇଟ୍ କରିଛନ୍ତି। ୟୁଜର୍ ଜଣଙ୍କ ଲେଖିଥିଲେ, ‘ବିଗ ବିଙ୍କଠାରୁ ତୁମେ ଅଭିନୟରେ ଭଲ। ଗୁରୁ ଭାଇ ଆଶୀର୍ବାଦ। ଏହା ପରେ ସେ ସମ୍ପୃକ୍ତ ୟୁଜରଙ୍କୁ ଧନ୍ୟବାଦ ଜଣାଇ ଅଭିଷେକ କହିଛନ୍ତି, ପ୍ରଶଂସା ପାଇଁ ଆପଣଙ୍କୁ ବହୁତ ଧନ୍ୟବାଦ। କିନ୍ତୁ ଅମିତାଭ ବଚ୍ଚନଙ୍କ ଅପେକ୍ଷା କେହି ଭଲ ଅଭିନେତା ହୋଇପାରିବେ ନାହିଁ। ଅଭିଷେକଙ୍କ ଏହି ଉତ୍ତର ସମସ୍ତଙ୍କ ହୃଦୟ ଜିତିଛି। ପ୍ରଶଂସକମାନେ ତାଙ୍କୁ ବହୁତ ପ୍ରଶଂସା କରୁଛନ୍ତି। ଅଭିଷେକ ବଚ୍ଚନ ଅନେକଥର ସୋସିଆଲ ମିଡିଆରେ ଟ୍ରୋଲ ହେବାର ଦେଖାଯାଏ। ତାଙ୍କ ପିତା ଅର୍ଥାତ୍ ଅମିତାଭ ବଚ୍ଚନଙ୍କ କାରଣରୁ ସେ ଫିଲ୍ମରେ କାମ କରୁଛନ୍ତି ବୋଲି ନିକଟରେ କିଛି ୟୁଜର୍ସ କହି ତାଙ୍କୁ ଟ୍ରୋଲ କରିଥିଲେ।
ଅଭିଷେକ ଏବେ ଫିଲ୍ମ ‘ଦଶ୍ଂବୀ’ ପାଇଁ ଶୁଟିଂ କରୁଛନ୍ତି। ଏହା ବ୍ୟତୀତ ତାଙ୍କର ପାଖରେ ‘ବବ ବିଶ୍ୱାସ’ ଏବଂ ‘ବ୍ରୀଦ୍ ଭଳି ଅନେକ ଗୁରୁତ୍ୱପୂର୍ଣ୍ଣ ପ୍ରୋଜେକ୍ଟ ମଧ୍ୟ ରହିଛି।
