ଭୁବନେଶ୍ୱର, ୬।୧୧(ବ୍ୟୁରୋ): ଟେଲି ପୁରସ୍କାର ପାଇଁ ୨୦ ବିଭାଗରେ ମୋଟ ୩ଲକ୍ଷ ୧୦ ହଜାର ଟଙ୍କା ପୁରସ୍କାର ରାଶି ପ୍ରଦାନ କରାଯିବ। ଶ୍ରେଷ୍ଠ ପ୍ରାମାଣିକ ଚଳଚ୍ଚିତ୍ର ଭାବେ ‘କାଳିଆ କରୁଛି ଲୀଳା’ ପୁରସ୍କାର ପାଇବାକୁ ଥିବାବେଳେ ଏହାର ପ୍ରଯୋଜକ ଭାବେ ଦେବାଶିଷ ପାତ୍ର ଓ ନିର୍ଦ୍ଦେଶକ ଭାବେ ଡ. ଅଶ୍ୱିନୀ ଗଡନାୟକ ମନୋନୀତ ହୋଇଛନ୍ତି। ସେହିପରି ଶ୍ରେଷ୍ଠ ଟେଲି ଧାରାବାହିକ ଭାବେ ‘ସରଗମ୍’, ଶ୍ରେଷ୍ଠ ନିର୍ଦ୍ଦେଶକ ଚଣ୍ଡୀ ପରିଜା (ସରଗମ୍), ଶ୍ରେଷ୍ଠ ଅଭିନେତା ଦେବାଶିଷ ପାତ୍ର (କାଳିଆ କରୁଛି ଲୀଳା), ଶ୍ରେଷ୍ଠ ଅଭିନେତ୍ରୀ ଲିପ୍ସା ମିଶ୍ର (ରଙ୍ଗିଲା ବୋହୂ), ଶ୍ରେଷ୍ଠ ସହଅଭିନେତା ଜୀବନ ପଣ୍ଡା (କାଳିଆ କରୁଛି ଲୀଳା), ଶ୍ରେଷ୍ଠ ସହ ଅଭିନେତ୍ରୀ ମଧୁସ୍ମିତା ପ୍ରଧାନ (ରଙ୍ଗିଲା ବୋହୂ), ଶ୍ରେଷ୍ଠ ସହଖଳନାୟକ ସୁରେଶ ମିଶ୍ର (ସରଗମ୍), ଶ୍ରେଷ୍ଠ ସହଖଳନାୟିକା ଉଷଶୀ ମିଶ୍ର (ରଙ୍ଗିଲା ବୋହୂ), ଶ୍ରେଷ୍ଠ ହାସ୍ୟାଭିନେତା ଶଙ୍କର୍ଷଣ ପ୍ରଧାନ (ରଙ୍ଗିଲା ବୋହୂ) ଓ ଶ୍ରେଷ୍ଠ ଶିଶୁକଳାକାର ଭାବେ ପ୍ରସିଦ୍ଧି ନାୟକ (ରଙ୍ଗିଲା ବୋହୂ) ମନୋନୀତ ହୋଇଛନ୍ତି। ସେହିଭଳି ଶ୍ରେଷ୍ଠ କାହାଣୀକାର ଭାବେ ପ୍ରସନ୍ନ ପୃଷ୍ଟି (କସ୍ତୁରୀ), ଶ୍ରେଷ୍ଠ ସଂଳାପଲେଖକ ବିଜୟ ମଲ୍ଲ (ସରଗମ୍), ଶ୍ରେଷ୍ଠ ସ୍କ୍ରିନ୍ପ୍ଲେ ପାଇଁ ସୁଶାନ୍ତ ମଣି (ନିମ୍କି), ଶ୍ରେଷ୍ଠ ଏଡିଟିଙ୍ଗ୍ ପାଇଁ ଚନ୍ଦ୍ରଶେଖର ମିଶ୍ର (କାଳିଆ କରୁଛି ଲୀଳା), ଶ୍ରେଷ୍ଠ ଫଟୋଗ୍ରାଫର ନିରଞ୍ଜନ ଦାସ (ଝିଅଟା ଅଲଗା ପ୍ରକାର), ଶ୍ରେଷ୍ଠ ସାଉଣ୍ଡ ରେକର୍ଡିଷ୍ଟ ଅଭିମନ୍ୟୁ ବେହେରା (ସରଗମ୍), ସ୍ବତନ୍ତ୍ର ଜୁରୀ ପୁରସ୍କାର ପି. ବିଶାଲ ପଟ୍ଟନାୟକ (ମହାନାଟକ), ଶ୍ରେଷ୍ଠ ଶିକ୍ଷାଭିତ୍ତିକ/ ଶିଶୁ ଚଳଚ୍ଚିତ୍ର ପାଇଁ ଶିବଶଙ୍କର ଦାସ (କଲମ)ଙ୍କୁ ପୁରସ୍କୃତ କରାଯିବ। ଟେଲି ଚଳଚ୍ଚିତ୍ର ପାଇଁ ଗଠିତ କମିଟିରେ ଜୁରି ଅଧ୍ୟକ୍ଷ ଭାବେ ରବିନାରାୟଣ ସେନାପତି ଥିବାବେଳେ ଚଳଚ୍ଚିତ୍ର ନିର୍ଦ୍ଦେଶକ, ପ୍ରଯୋଜକ ଗଦାଧର ପୁଟ୍ଟୀ, ସଙ୍ଗୀତ ନିର୍ଦ୍ଦେଶକ ପ୍ରସନ୍ନ କୁମାର ମିଶ୍ର, ଲେଖିକା ବିୟତପ୍ରଜ୍ଞା ତ୍ରିପାଠୀ ଏବଂ ଚଳଚ୍ଚିତ୍ର ସାମ୍ବାଦିକ ରମାକାନ୍ତ ଦାସ ଜୁରୀ ସଦସ୍ୟ ଭାବେ ଥିଲେ।
ଏହି ଖବରଦାତା ସମ୍ମିଳନୀରେ ମନ୍ତ୍ରୀଙ୍କ ସହ ସଂସ୍କୃତି ବିଭାଗର ଶାସନ ସଚିବ ସୁରେଶ ଚନ୍ଦ୍ର ଦଳାଇ, ନିର୍ଦ୍ଦେଶକ ରଞ୍ଜନ କୁମାର ଦାଶ, ସଚିବ ପ୍ରବୋଧ ରଥ, ଜୁରି କମିଟି ଅଧ୍ୟକ୍ଷ ସୁରେନ୍ଦ୍ର କୁମାର ସାହୁ ପ୍ରମୁଖ ଉପସ୍ଥିତ ଥିଲେ।
