ବେଜିଂ,୧୧।୪: ପୃଥିବୀରେ କରୋନା ସଂକ୍ରମଣ ଯୋଗୁ ଆତଙ୍କ ସୃଷ୍ଟି ହୋଇଛି। କରୋନା ସଂକ୍ରମଣର ଏନ୍ତୁଡ଼ିଶାଳ ପାଲଟିଥିବା ଚାଇନାରେ ଭିକାରିମାନେ ଏବେ ଡିଜିଟାଲ ପେମେଣ୍ଟ୍ ବ୍ୟବହାର କରୁଛନ୍ତି। ଏହାଦ୍ୱାରା ସଂକ୍ରମଣର ଭୟ ରହିବ ନାହିଁ ବୋଲି ଭିକାରିମାନେ କହିଛନ୍ତି। ଚାଇନାରେ ସୂଚନା ପ୍ରଯୁକ୍ତି ଜ୍ଞାନକୌଶଳ ଅଧିକ ବିକଶିତ ଥିବାରୁ ଲୋକେ ପ୍ରାୟତଃ ଡେବିଟ୍ ଅବା କ୍ରେଡିଟ୍ କାର୍ଡ ଧରି ଘରୁ ବାହାରକୁ ବାହାରିଥାନ୍ତି। ଏପରିସ୍ଥଳେ ରାସ୍ତାଘାଟରେ ଭିକାରିଙ୍କୁ ଭେଟିଲେ ଲୋକେ ଇ-ଓ୍ବାଲେଟକୁ ଟଙ୍କା ଟ୍ରାନ୍ସଫର କରିବାକୁ ପସନ୍ଦ କରୁଛନ୍ତି। ଚାଇନାରେ ଭିକ୍ଷାବୃତ୍ତିକୁ ଏପ ଅପରାଧ ଭାବେ ଗ୍ରହଣ ନ କରାଯିବାକୁ କୋର୍ଟରେ ଏକ ଆବେଦନର ବିଚାର ଜାରି ରହିଛି। ଆବେଦନକାରୀ ସୂଚିତ କରିଛନ୍ତି ଯେ, ଭିକ୍ଷାବୃତ୍ତି ନ କଲେ ଦେଶରେ ଆପରାଧିକ କାର୍ଯ୍ୟ କଳାପ ସଂଖ୍ୟା ବୃଦ୍ଧି ପାଇବାର ଆଶଙ୍କା ରହିଛି। ଏନେଇ କୋର୍ଟ ୫ ରାଜ୍ୟକୁ ୩ ସପ୍ତାହ ମଧ୍ୟରେ ଜବାବ ତଲବ କରିଛନ୍ତି। ୨୦୧୧ ଜନଗଣନା ଅନୁସାରେ ଚାଇନାରେ ୪ ଲକ୍ଷ ୧୩ ହଜାର ୬୭୦ ଜଣ ଭିକାରି ଅଛନ୍ତି। ଭିକାରିମାନେ ହାତରେ କ୍ୟୁଆର୍ କୋଡ୍ ଧରି ରାସ୍ତାଘାଟ, ପର୍ଯ୍ୟଟନସ୍ଥଳ ଏବଂ ଅନ୍ୟ ଅଞ୍ଚଳରେ ଭିକ ମାଗିବାର ଦେଖିବାକୁ ମିଳିଥାଏ।
