ନୂଆଦିଲ୍ଲୀ,୧୭।୫: କାଉଣ୍ଟି ଚାମ୍ପିଅନସିପ ଡିଭିଜନ ୱାନ୍ର ଏକ ମ୍ୟାଚ୍ ସମୟରେ ଏପରି ଏକ ଘଟଣା ଘଟିଛି, ଯେଉଁଥିଲାଗି ମ୍ୟାଚ କିଛି ସମୟ ପାଇଁ ବନ୍ଦ କରିବାକୁ ପଡିଛି। ଏହାର କାରଣ ବର୍ଷା ନୁହେଁ ବରଂ ମହୁମାଛି ଥିଲା। ଯାହା ଫଳରେ ପଡ଼ିଆରେ ଉପସ୍ଥିତ ସମସ୍ତ ଖେଳାଳି ଏବଂ ଅମ୍ପାୟାର ଶୋଇ ପଡ଼ିଥିଲେ।
ୱର୍ସେଷ୍ଟରଶାୟାର ଏବଂ ଏସେକ୍ସ ମଧ୍ୟରେ ୱର୍ସେଷ୍ଟରରେ ଖେଳାଯାଉଥିବା ମ୍ୟାଚ ସମୟରେ ଏଭଳି ଘଟିଥିଲା। ଏହି ମ୍ୟାଚ୍ର ପ୍ରଥମ ଦିନରେ, ୱର୍ସେଷ୍ଟରଶାୟାର ପ୍ରାରମ୍ଭିକ ବିପର୍ଯ୍ୟୟରୁ ମୁକୁଳି ଦିନର ଶେଷ ସୁଦ୍ଧା ୯ ଉଇକେଟ ବିନିମୟରେ ୩୪୯ ରନ କରିଥିଲା, କିନ୍ତୁ ଦିନର ସବୁଠାରୁ ଭୟଙ୍କର ମୁହୂର୍ତ୍ତ ଥିଲା ଯେତେବେଳେ ସମସ୍ତ ଖେଳାଳି ମହୁମାଛି ଆକ୍ରମଣ ଯୋଗୁ ତଳେ ପଡ଼ି ଯାଇଥିଲେ। ଏହି କାରଣରୁ ମ୍ୟାଚଟିକୁ କିଛି ସମୟ ପାଇଁ ବନ୍ଦ ରଖିବାକୁ ପଡିଲା।
କାଉଣ୍ଟି ଚାମ୍ପିଅନଶିପ ଡିଭିଜନ ୱାନରେ, ଏସେକ୍ସ ଟସ୍ ଜିତି ପ୍ରଥମେ କ୍ଷେତ୍ରରକ୍ଷଣ କରିବାକୁ ନିଷ୍ପତ୍ତି ନେଇଥିଲା। ୱର୍ସେଷ୍ଟରଶାୟାର ଦଳ ପ୍ରଥମେ ବ୍ୟାଟିଂ କରିବାକୁ ଆସିଥିଲା। ମ୍ୟାଚ୍ ସମୟରେ ପଡ଼ିଆରେ ଏକ ଅଜବ ଘଟଣା ଘଟିଥିଲା। ଲାଇଭ ମ୍ୟାଚ୍ ସମୟରେ, ମହୁମାଛିଙ୍କ ଏକ ଦଳ ପଡ଼ିଆ ଭିତରକୁ ପ୍ରବେଶ କରିଥିଲା; ସେମାନଙ୍କଠାରୁ ନିଜକୁ ରକ୍ଷା କରିବା ପାଇଁ, ସମସ୍ତ ଖେଳାଳି ଏବଂ ଅମ୍ପାୟାର ପଡ଼ିଆରେ ଶୋଇ ପଡ଼ିଲେ। ଏହି କାରଣରୁ ମ୍ୟାଚ ଟି କିଛି ସମୟ ପାଇଁ ବନ୍ଦ ରଖିବାକୁ ପଡିଲା। ମହୁମାଛି ଦଳ ପଡ଼ିଆ ଛାଡିବା ପରେ, ଖେଳ ପୁଣି ଆରମ୍ଭ ହେଲା। ଏହାର ଭିଡିଓ କାଉଣ୍ଟି ଚାମ୍ପିଅନସିପ ତାର ଇନଷ୍ଟାଗ୍ରାମ ପୃଷ୍ଠାରେ ଅପଲୋଡ କରିଛି।
View this post on Instagram
