କରୋନା ମହାମାରୀ ସମୟରେ ମାସ୍କର ଗୁରୁତ୍ୱ କେତେ ତାହା ସମସ୍ତେ ଜାଣନ୍ତି। ତେବେ ଏହାର ବହୁଳ ବ୍ୟବହାର ଯୋଗୁ ଏହାକୁ ନେଇ ଆବର୍ଜନା ବି ବଢ଼ିବାରେ ଲାଗିଛି। ହେଲେ କିଛି ସୃଜନଶୀଳ ମଣିଷ ଏହି ସମସ୍ୟାକୁ ଏଡ଼େଇବା ପାଇଁ ପରିତ୍ୟକ୍ତ ମାସ୍କକୁ ସୃଜନଶୀଳ ଉପାୟରେ ବ୍ୟବହାର କରୁଛନ୍ତି। ଯେମିତି କି ବ୍ରିଟେନ୍ର ଫ୍ୟାଶନ ଡିଜାଇନର୍ ଟମ୍ ସିଲ୍ଭର୍ଉଡ୍ ପରିତ୍ୟକ୍ତ ମାସ୍କକୁ ବ୍ୟବହାର କରି ତିଆରି କରିଛନ୍ତି ଏକ ସୁନ୍ଦର ଓ୍ବେଡିଂ ଗାଉନ୍। ଏହି ଗାଉନ୍୍କୁ ଦେଖିଲେ କେହି ବି ପ୍ରଶଂସା ନ କରି ରହିପାରିବେ ନାହିଁ। ଫ୍ୟାଶନ୍ ଡିଜାଇନର୍ ଟମ୍ ଏହାକୁ ତିଆରି କରିବା ଲାଗି ୧୫୦୦ଟି ଧଳା ରଙ୍ଗର ପରିତ୍ୟକ୍ତ ମାସ୍କ ବ୍ୟବହାର କରିଛନ୍ତି। ଆଉ ଅଣ୍ଟା ନିକଟରେ ହାଇଲାଇଟ୍ ଦେବା ପାଇଁ ଡିସ୍ପୋଜେବଲ୍ ପ୍ଲାଷ୍ଟିକ ପିପିଇକୁ ମଧ୍ୟ ବ୍ୟବହାର କରିଛନ୍ତି। ଉକ୍ତ ଗାଉନ୍କୁ ମଡେଲ ଜେମିମା ହୈମ୍ବ୍ରୋ ପିନ୍ଧି ଲଣ୍ଡନର ସେଣ୍ଟ ପଲ୍ କ୍ୟାଥେଡ୍ରାଲ ନିକଟରେ ଫଟୋଶୁଟ୍ କରିଥିଲେ। ମାସ୍କରେ ତିଆରି ଏହି ଗାଉନ୍ ଏତେ ସୁନ୍ଦର ଓ ଲୋକେ ଏହାକୁ ଏତେ ପସନ୍ଦ କରୁଛନ୍ତି ଯେ, ଏବେ ଏହା ଚର୍ଚ୍ଚାର ବିଷୟ ପାଲଟି ଯାଇଛି।