ୟୁଏଇ,୨୮।୯: ଆଇପିଏଲର ଅନ୍ୟତମ ଶ୍ରେଷ୍ଠ ବ୍ୟାଟ୍ସମ୍ୟାନ ସନରାଇଜର୍ସ ହାଇଦ୍ରାବାଦ ଓପନର୍ ଡେଭିଡ ୱାର୍ଣ୍ଣର ଫିଟ ଥିଲେ ମଧ୍ୟ ରାଜସ୍ଥାନ ରୟାଲ୍ସ ବିପକ୍ଷରେ ଖେଳି ନ ଥିଲେ। ୱାର୍ଣ୍ଣର ମଧ୍ୟ ସନରାଇଜର୍ସ ହାଇଦ୍ରାବାଦର ଅଧିନାୟକ ରହିଛନ୍ତି। ୱାର୍ଣ୍ଣରଙ୍କ ଅଧିନାୟକତ୍ୱରେ ହାଇଦ୍ରାବାଦ ମଧ୍ୟ ୨୦୧୬ରେ ଆଇପିଏଲ ଚାମ୍ପିଅନ ହୋଇଥିଲା। ଅବଶ୍ୟ, ଆଇପିଏଲ ୨୦୨୧ରେ ୱାର୍ଣ୍ଣରଙ୍କ ବ୍ୟାଟରୁ ଆଦୌ ରନ୍ ହେଉ ନ ଥିଲା। ଏହି କାରଣରୁ ସେ ପ୍ରଥମେ ଅଧିନାୟକତ୍ୱରୁ ବଞ୍ଚିତ ହୋଇଥିଲେ ଏବଂ ଏବେ ଦଳରୁ ମଧ୍ୟ ବାହାରିଛନ୍ତି। ୱାର୍ଣ୍ଣର ଏହି ଲିଗରେ ହାରାହାରି ୪୨ଟି ମ୍ୟାଚରେ ୫୪୪୯ ରନ ସଂଗ୍ରହ କରିଛନ୍ତି। କିନ୍ତୁ ଆଇପିଏଲର ୧୪ ତମ ସିଜନରେ ସେ ମାତ୍ର ୧୦୭ ଷ୍ଟ୍ରାଇକ ରେଟ୍ରେ ଆଠଟି ମ୍ୟାଚରେ ୧୯୫ ରନ ସଂଗ୍ରହ କରିଛନ୍ତି।
ସନରାଇଜର୍ସ ହାଇଦ୍ରାବାଦର ମୁଖ୍ୟ କୋଚ ଟ୍ରେଭର୍ ବେଲିସ କହିଛନ୍ତି ଯେ, ରାଜସ୍ଥାନ ରୟାଲ୍ସ ବିପକ୍ଷ ଆଇପିଏଲ ମ୍ୟାଚରେ ଯୁବ କ୍ରିକେଟରଙ୍କୁ ସୁଯୋଗ ଦେବା ପାଇଁ ଖରାପ ଫର୍ମରେ ଚାଲୁଥିବା ଡେଭିଡ ୱାର୍ଣ୍ଣରଙ୍କୁ ବାଦ୍ ଦିଆଯାଇଥିଲା। ପ୍ଲେ ଅଫ ପାଇଁ ସନରାଇଜର୍ସ ପୂର୍ବରୁ ଦୌଡରୁ ବାହାରି ଯାଇଛି। ସନରାଇଜର୍ସ ରୟାଲ୍ସକୁ ୭ ଉଇିୟକେଟରେ ପରାସ୍ତ କରିଥିଲା। ମ୍ୟାଚ ପରବର୍ତ୍ତୀ ସାମ୍ବାଦିକ ସମ୍ମିଳନୀରେ ବେଲିସ କହିଛନ୍ତି ଯେ, ଆମେ ଏହାକୁ ପରବର୍ତ୍ତୀ ରାଉଣ୍ଡକୁ ଯାଇପାରିବୁ ନାହିଁ, ତେଣୁ ଆମେ ଯୁବକମାନଙ୍କୁ ସୁଯୋଗ ଦେବା ପାଇଁ ନିଷ୍ପତ୍ତି ନେଇଛୁ ଯାହା ଦ୍ୱାରା ସେମାନେ ଅଭିଜ୍ଞତା ପାଇପାରିବେ। ଦଳରେ ଅନେକ ଯୁବ ଖେଳାଳି ଅଛନ୍ତି ଯେଉଁମାନେ ଖେଳ ପଡ଼ିଆକୁ ଯାଇ ନାହାଁନ୍ତି ସେମାନଙ୍କୁ ସୁଯୋଗ ଦିଆଯିବା ଆବଶ୍ୟକ। ଏହି ଧାରା ପରବର୍ତ୍ତୀ ମ୍ୟାଚରେ ମଧ୍ୟ ଜାରି ରହିବ। ୱାର୍ଣ୍ଣର ହୋଟେଲରେ ମ୍ୟାଚ ଦେଖି ଦଳକୁ ଉତ୍ସାହିତ କରିଥିଲେ। ଆମେ ସମସ୍ତେ ଏକାଠି ଅଛୁ। ସନ୍ରାଇଜର୍ସଙ୍କ ସହ ୱାର୍ଣ୍ଣରଙ୍କ ଦିନ ସମାପ୍ତ ହୋଇଛି କି ବୋଲି ପଚରାଯିବାରୁ ବେଲିସ କହିଛନ୍ତି ଯେ, କୌଣସି ବିଷୟରେ ଆଲୋଚନା କରାଯାଇ ନାହିଁ। ୱାର୍ଣ୍ଣର ଏତେ ବର୍ଷ ଧରି ଦଳକୁ ବହୁତ କିଛି ଦେଇଛନ୍ତି ଏବଂ ସମସ୍ତେ ତାଙ୍କୁ ସମ୍ମାନ କରନ୍ତି। ମୁଁ ନିଶ୍ଚିତ ଯେ ସେ ଆଇପିଏଲରେ ଅଧିକ ରନ ସ୍କୋର କରିବେ।
