ଇସଲାମବାଦ,୮।୮: ବାଂଲାଦେଶର ସ୍ଥିତିକୁ ନେଇ ସାରା ଦେଶ ସ୍ତବ୍ଧ ହୋଇ ଯାଇଛି। ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କ ପୁଅ ଏହି ବିବୃତ୍ତିରେ କହିଛନ୍ତି, ବାଂଲାଦେଶ ପରବର୍ତ୍ତୀ ପାକିସ୍ତାନ ହେବାକୁ ଯାଉଛି।
ରିପୋର୍ଟ ଅନୁଯାୟୀ ପାକିସ୍ତାନର ଜଣେ ବ୍ୟକ୍ତି କହିଛନ୍ତି, ବାଂଲାଦେଶରେ ଯାହା ଘଟିଛି ତାହା ଏକ ବିପ୍ଳବ ନୁହେଁ। ପୂର୍ବରୁ ଏହା ଏକ ଶିଶୁ ଆନ୍ଦୋଳନ ଥିଲା, ତା’ପରେ ଏହି ସମସ୍ୟା ବୃଦ୍ଧି ପାଇଲା। ଯେତେବେଳେ ଚାରଆଡେ ମୃତଦେହ ଗଦା ହୋଇଗଲା ସେତେବେଳେ ମାହୋଲ ଭୟାନକ ଦେଖାଗଲା। ଆଉ ନିଶ୍ଚିତ ଭାବରେ ବାଂଲାଦେଶର ଅବସ୍ଥା ପାକିସ୍ତାନ ଭଳି ହେବାକୁ ଯାଉଛି।
ପାକିସ୍ତାନୀ ଗଣମାଧ୍ୟମରେ ବ୍ୟକ୍ତି ଜଣକ କହିଛନ୍ତି, ଯେତେବେଳେ ଅନ୍ୟ ଦେଶର ଅବସ୍ଥା ଖରାପ ହୁଏ ସେତେବେଳେ ପାକିସ୍ତାନୀ ଗଣମାଧ୍ୟମ ଉପଭୋଗ କରନ୍ତି। ବାଂଲାଦେଶରେ ଯାହା ଘଟୁଛି ତାହା ଠିକ ନୁହେଁ, କିନ୍ତୁ ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କ ଭାରତ ଗସ୍ତ ଭାରତ ପାଇଁ ସକରାତ୍ମକ ଅଟେ।
