ଗାଲେ,୨୧।୬: ଶ୍ରୀଲଙ୍କା ବିପକ୍ଷରେ ଏଠାରେ ଖେଳାଯାଉଥିବା ପ୍ରଥମ ଟେଷ୍ଟ ମ୍ୟାଚ୍ରେ କମାଲ କରିଛନ୍ତି ଜଣେ କ୍ରିକେଟର। ମ୍ୟାଚ୍ର ଉଭୟ ଇନିଂସରେ ସେ ଶତକ ହାସଲ କରି ଇତିହାସ ରଚିଛନ୍ତି। କ୍ରିକେଟରଜଣଙ୍କ ହେଲେ ବାଂଲାଦେଶ ଅଧିନାୟକ ନାଜମୁଲ ହାସନ ଶାଣ୍ଟୋ। ତେବେ ସେ ଟେଷ୍ଟର ଉଭୟ ଇନିଂସରେ ଶତକ ହାସଲ କରିଥିବା ପ୍ରଥମ ବାଂଲାଦେଶୀ ଅଧିନାୟକ ହୋଇଛନ୍ତି। ଶାନ୍ତୋ ପ୍ରଥମ ଇନିଂସରେ ୧୪୮ ରନ କରିଥିବା ବେଳେ ଦ୍ୱିତୀୟ ଇନିଂସରେ ସେ ୧୨୫ ରନର ଅପରାଜିତ ଇନିଂସ ଖେଳିଛନ୍ତି।
ବାଂଲାଦେଶ ୬ ଉଇକେଟରେ ୨୮୫ ରନ୍ରେ ତା’ର ଦ୍ୱିତୀୟ ଇନିଂସ ଘୋଷଣା କରିଛି। ଏହିପରି ଶ୍ରୀଲଙ୍କାକୁ ଏହି ଟେଷ୍ଟ ମ୍ୟାଚ ଜିତିବା ପାଇଁ ୨୯୬ ରନ କରିବାକୁ ପଡ଼ିବ। କିନ୍ତୁ ବର୍ତ୍ତମାନ ଏହି ଟେଷ୍ଟ ମ୍ୟାଚ୍ରେ ଆଉ ସମୟ ନାହିଁ। ପଞ୍ଚମ ଦିନର ଖେଳ ଶେଷ ହେବାକୁ କେବଳ କିଛି ଓଭର ବାକି ଅଛି। ଏପରି ପରିସ୍ଥିତିରେ ଏହି ଟେଷ୍ଟ ମ୍ୟାଚ ଡ୍ର ଆଡକୁ ଯାଉଛି।
ବାଂଲାଦେଶ ଅଧିନାୟକ ନାଜମୁଲ ଗାଲେ ଟେଷ୍ଟ ମ୍ୟାଚରେ ଇତିହାସ ରଚିଛନ୍ତି। ସେ ଏହି ମ୍ୟାଚ୍ର ଉଭୟ ଇନିଂସରେ ଶତକ ହାସଲ କରିଛନ୍ତି। ପ୍ରଥମ ଇନିଂସରେ ସେ ୨୭୯ ବଲ୍ରେ ୧୫ ଚୌକା ଏବଂ ଗୋଟିଏ ଛକା ସହାୟତାରେ ୧୪୮ ରନ କରିଥିଲେ। ଏହା ବ୍ୟତୀତ ମୁଶଫିକର ରହିମ ମଧ୍ୟ ପ୍ରଥମ ଇନିଂସରେ ୧୬୩ ରନ୍ର ଇନିଂସ ଖେଳିଥିଲେ। ଏହା ସହିତ ବାଂଲାଦେଶ ତା’ର ପ୍ରଥମ ଇନିଂସରେ ୪୯୫ ରନ କରିଥିଲା।
ଶ୍ରୀଲଙ୍କା ବିପକ୍ଷରେ ପ୍ରଥମ ଟେଷ୍ଟ ମ୍ୟାଚ୍ରେ ବାଂଲାଦେଶର ଅଧିନାୟକ ୧୨ ବର୍ଷର ପୁରୁଣା ରେକର୍ଡ ଭାଙ୍ଗିଥିଲେ। ନାଜମୁଲ ଉଭୟ ଇନିଂସରେ ଚମତ୍କାର ପ୍ରଦର୍ଶନ କରିଥିଲେ। ଏକ ଶତକ ହାସଲ କରିଥିଲେ। ସେ ଏହି ଟେଷ୍ଟ ମ୍ୟାଚରେ ୨୭୩ ରନ କରିଥିଲେ, ଯାହା ଏକ ଟେଷ୍ଟ ମ୍ୟାଚ୍ରେ ବାଂଲାଦେଶର ସର୍ବାଧିକ ସ୍କୋର। ସେ ମୁସଫିକର ରହିମଙ୍କ ରେକର୍ଡ ଭାଙ୍ଗିଥିଲେ। ୨୦୧୩ରେ ଗାଲେ ଗ୍ରାଉଣ୍ଡରେ ଶ୍ରୀଲଙ୍କା ବିପକ୍ଷରେ ଏକ ଟେଷ୍ଟ ମ୍ୟାଚରେ ବାଂଲାଦେଶର ଅଧିନାୟକତ୍ୱ ସମୟରେ ରହିମ ମୋଟ ୨୦୦ ରନ କରିଥିଲେ।
