ବଲାଙ୍ଗୀର, ୨।୫ (ସୁନିଲ କୁମାର ମହାନ୍ତି):ବଲାଙ୍ଗୀର ଜିଲାରେ ଶନିବାର ଭୋର ସକାଳେ ମୃଦୁ ଭୂମିକମ୍ପ ଝଟକା ଅନୁଭୂତ ହୋଇଛି। ଭୋର ପ୍ରାୟ ୪ଟା ୪୦ ମିନିଟ ସମୟରେ ଭୂମିକମ୍ପ ଝଟକା ଅନୁଭୂତ ହୋଇଥିଲା। ଅଳ୍ପ ସମୟ ପାଇଁ ଘରର ଜିନିଷ ପତ୍ର ଥରି ଉଠିଥିଲା। ଲୋକେ ଶୋଇଥିଲେ। ତେବେ ଭୂମିକମ୍ପ ଝଟକା ଅନୁଭୂତ ହେବାରୁ ବହୁ ଲୋକ ଉଠି ପଡ଼ିଥିବା ଜଣାପଡ଼ିଛି। ଘରେ ଲାଗିଥିବା କାଚ ଲଗା ଡୋର୍ ଉଇଣ୍ଡୋ ବହୁ ଜୋର୍ ଆବାଜ ଦେଇଥିଲା। କିଛି ଦିନ ତଳେ ପଡ଼ୋଶୀ କଳାହାଣ୍ଡି ଜିଲାରେ ମୃଦୁ ଭୂମିକମ୍ପ ଝଟକା ଅନୁଭୂତ ହୋଇଥିଲା। ଆଜି ବଲାଙ୍ଗୀର ଜିଲାର ବିଭିନ୍ନ ସ୍ଥାନରେ ଭୂମିକମ୍ପ ଝଟକା ଅନୁଭୂତ ହୋଇଥିବାରୁ ଲୋକେ ଭୟଭୀତ ହୋଇଛନ୍ତି।
Dharitri – Odisha’s No.1 Odia Daily
