ନୂଆଦିଲ୍ଲୀ,୧୫।୬: ସମଗ୍ର ଦେଶରେ କରୋନା ମହାମାରୀ ସମୟରେ ଦିଆଯାଇଥିବା କୋଭିଡ୍ ଅଗ୍ରୀମ ଟଙ୍କା ଉଠାଇବା ସୁବିଧାକୁ ବର୍ତ୍ତମାନ ବନ୍ଦ କରିଛି ଇପିଏଫ୍ଓ। ଦେଶରେ ଏବେ କରୋନା ପ୍ରଭାବ ନ ଥିବାରୁ ଏହି ସୁବିଧା ବନ୍ଦ କରି ଦିଆଯାଇଛି । ତେବେ କର୍ମଚାରୀମାନେ କରୋନା ସମୟରେ ସେମାନଙ୍କ ପ୍ରୋଭିଡେଣ୍ଟ ଫଣ୍ଡ (ଇପିଏଫ)ରୁ ଅଗ୍ରୀମ ଭାବରେ କିଛି ଟଙ୍କା ଉଠାଇଥିଲେ। ଏହା ଫଳରେ କର୍ମଚାରୀମାନେ ସେମାନଙ୍କର ଚିକିତ୍ସା ଏବଂ ଆର୍ଥିକ ଆବଶ୍ୟକତା ପୂରଣ ଦିଗରେ ସହାୟତା ହୋଇପାରୁଥିଲା। ହେଲେ ଏବେ ପରିବର୍ତ୍ତନ ନେଇ ଇପିଏଫ୍ଓ ଏକ ବିଜ୍ଞପ୍ତି ମଧ୍ୟ ଜାରି କରିଛି।
ପ୍ରଥମ ପର୍ଯ୍ୟାୟରେ, କମ୍ପାନୀ ଥରେ ଅଗ୍ରୀମ ଉଠାଣ ପାଇଁ ଅନୁମତି ଦେଇଥିଲା ଓ ଦ୍ୱିତୀୟ ପର୍ଯ୍ୟାୟରେ ଜଣେ ବ୍ୟକ୍ତି ଏକାଧିକ ଥର ପ୍ରତ୍ୟାହାର ପାଇଁ ଅନୁମତି ପାଇଥିଲେ । ଏହା ଅଧୀନରେ, ୩ ମାସ ପାଇଁ ବେସିକ ପ୍ଲସ ଡିଏ କିମ୍ବା ଇପିଏଫ ଆକାଉଣ୍ଟରୁ ୭୫ ପ୍ରତିଶତ ଟଙ୍କା ଉଠାଇବାକୁ ଅନୁମତି ଦିଆଯାଇଥିଲା।
ଯଦିଓ ଏବେ ଅଗ୍ରୀମ ସୁବିଧା ବନ୍ଦ ହୋଇସାରିଛି, ଇପିଏଫ ଆକାଉଣ୍ଟରୁ ଏକ ର୍ନିଦ୍ଦିଷ୍ଟ ସୀମା ପର୍ଯ୍ୟନ୍ତ ନଗଦ ଟଙ୍କା ଉଠାଇବା ସୁବିଧା , ଘର କିଣିବା, ପିଲାମାନଙ୍କର ଉଚ୍ଚଶିକ୍ଷା, ବିବାହ ଇତ୍ୟାଦି କ୍ଷେତ୍ରରେ ଅକ୍ଷୁର୍ଣ୍ଣ ରହିବ ବୋଲି କୁହାଯାଇଛି।
