ନୂଆଦିଲ୍ଲୀ,୯।୨: ଟେଷ୍ଟ ଏବଂ ଦିନିକିଆ ସିରିଜ ଶେଷ ହେବା ପରେ ଏବେ ଅଷ୍ଟ୍ରେଲିଆ-ଓ୍ବେଷ୍ଟଇଣ୍ଡିଜ୍ ମଧ୍ୟରେ ୩ ମ୍ୟାଚ୍ ବିଶିଷ୍ଟ ଟି୨୦ ସିରିଜ ଖେଳାଯାଉଛି। ସିରିଜର ପ୍ରଥମ ମ୍ୟାଚ୍ରେ ଅଷ୍ଟ୍ରେଲିଆ ବିଜେତା ହୋଇଛି। ୧୧ ରନ୍ରେ ଦଳ ମ୍ୟାଚ୍ ଜିତି ନେଇଛି। ଏହି ମ୍ୟାଚ୍ରେ ଅଷ୍ଟ୍ରେଲିଆ ଇନିଂସର ଏକ ଭିଡିଓ ସାମ୍ନାକୁ ଆସିଛି, ଯାହାକୁ ନେଇ ସୋସିଆଲ ମିଡିଆରେ ଜୋରଦାର ଚର୍ଚ୍ଚା ହେଉଛି।
ଅଷ୍ଟ୍ରେଲିଆ ଇନିଂସର ୧୯ତମ ଓଭରରେ କିଛି ଏଭଳି ଘଟିଥିଲା ଯାହାକୁ ଦେଖି ଲାଗିଥିଲା ଯେମିତି କି ଓ୍ବେଷ୍ଟଇଣ୍ଡିଜର ଦୁଇ ଖେଳାଳିଙ୍କ ମଧ୍ୟରେ ଯୁକ୍ତିତର୍କ ହେବ। ଓଭରରେ ଅଲ୍ଜାରୀ ଜୋସେଫ ବୋଲିଂ କରୁଥିଲେ। ଓଭରର ତୃତୀୟ ବଲ୍ରେ ଟିମ୍ ଡେଭିଡ୍ ଏକ ବଡ ଶର୍ଟ ଖେଳିବାକୁ ଚାହିଁଥିଲେ। ବଲ୍ଟି କ୍ୟାଚ୍ ହୋଇଥିଲା। ହେଲେ ବାଉଣ୍ଡ୍ରି ନିକଟରେ ଛିଡ଼ା ହୋଇଥିବା ୨ ଖେଳାଳି କ୍ୟାଚ୍ ଧରିବା ଲାଗି ନିଜ ସ୍ଥାନରୁ ଟିକିଏ ବି ହଲି ନ ଥିଲେ। ଶେଷରେ ଶାଇ ହୋପ୍ କିପର୍ଙ୍କ ପାଖକୁ ଥ୍ରୋ କରିଥିଲେ। ଏହାପରେ ହୋପ୍ କିଛି ସମୟ ଯାଏ ଉଭୟ ଖେଳାଳିଙ୍କୁ ରାଗରେ ଚାହୁଁଥିବା ଦେଖାଯାଇଥିଲା। ଏପରିକି ଜୋସେଫ ମଧ୍ୟ ରାଗରେ ଚିତ୍କାର କରିିଥିବା ଭିଡିଓରେ ଦେଖିବାକୁ ମିଳିଛି।
ଦେଖନ୍ତୁ ଭିଡିଓ:
If looks could kill…
Alzarri Joseph was NOT happy with this fielding effort #AUSvWI pic.twitter.com/1gMN00SLbX
— cricket.com.au (@cricketcomau) February 9, 2024
