ମହାନ ପଣ୍ଡିତ, ଶିକ୍ଷକ, କୁଶଳୀ କୂଟନୀତିଜ୍ଞ, ରଣନୀତିଜ୍ଞ ତଥା ଅର୍ଥନୀତିଜ୍ଞ ଆଚାର୍ଯ୍ୟ ଚାଣକ୍ୟ ତାଙ୍କ ନୀତି ଶାସ୍ତ୍ରରେ ମାନବ ଜୀବନ ସହ ଜଡ଼ିତ ସମସ୍ତ ଦିଗ ବିଷୟରେ ବିସ୍ତୃତ ଭାବରେ ଉଲ୍ଲେଖ କରିଛନ୍ତି। ଚାଣକ୍ୟ ତାଙ୍କ ନୀତି ଶାସ୍ତ୍ରରେ କିପରି ଜୀବନସାଥୀ ବାଛିବା ଉଚିତ ସେ ସମ୍ପର୍କରେ ମଧ୍ୟ ବ୍ୟାଖ୍ୟା କରିଛନ୍ତି। ସେ କହିଛନ୍ତି, ଜୀବନସାଥୀ ବାଛିବା ପୂର୍ବରୁ ଯଦି ଏହି କଥା ଅନୁସରଣ କର, ତେବେ ଦାମ୍ପତ୍ୟ ଜୀବନ ସୁଖମୟ ହେବ। ତେବେ ଜାଣନ୍ତୁ ଭଲ ଜୀବନସାଥୀଟିଏ ବାଛିବା ପାଇଁ ଚାଣକ୍ୟଙ୍କ ନୀତି କ’ଣ କହେ…
ଚାଣକ୍ୟ କହିଛନ୍ତି, ଧାର୍ମିକ ସ୍ବଭାବର ଯୁବତୀ/ଯୁବକ ହିଁ ଭଲ ଜୀବନସାଥୀ ହୋଇପାରନ୍ତି। ଏହା ଦ୍ୱାରା ପୂରା ପରିବାରରେ ସଂସ୍କାର ଆସିଥାଏ। ତେଣୁ ଜୀବନସାଥୀ ବାଛିବା ପୂର୍ବରୁ ଏହି କଥାକୁ ଧ୍ୟାନ ଦେବା ଜରୁରୀ ହୋଇଥାଏ।
ଏଥିସହିତ ଧୈର୍ଯ୍ୟ ଥିବା ବ୍ୟକ୍ତି ଯେତେ କଷ୍ଟ ସମୟ ଆସିଲେ ମଧ୍ୟ ସେ ସବୁକୁ ଆରାମରେ ପାର୍ ହୋଇ ସଠିକ୍ ମାର୍ଗ ଦେଖାଇଥାନ୍ତି। ତେଣୁ ଜୀବନସାଥୀ ବାଛିବା ସମୟରେ ତାଙ୍କଠାରେ ଧୈର୍ଯ୍ୟଶକ୍ତି ଅଛି କି ନାହିଁ ଜାଣି ରଖନ୍ତୁ।
କେବେ ବି ସୌନ୍ଦର୍ଯ୍ୟକୁ ଗୁରୁତ୍ୱ ଦିଅନ୍ତୁ ନାହିଁ। ବ୍ୟକ୍ତି ହୃଦୟ ଭିତରୁ ଭଲ ହେବା ଜରୁରୀ।
କାହା ଚାପରେ ବିବାହ କରନ୍ତୁ ନାହିଁ। କାରଣ ଏହା ଦ୍ୱାରା ବୈବାହିକ ଜୀବନ ପ୍ରଭାବିତ ହୋଇଥାଏ। ଉତ୍ତମ ଜୀବନସାଥୀ ପାଇବାକୁ ହେଲେ ଏସବୁ କଥା ପ୍ରତି ଧ୍ୟାନ ରଖିବା ଉଚିତ। ତେବେ ଯାଇ ବୈବାହିକ ଜୀବନ ମଧୁମୟ ହେବ ବୋଲି ଚାଣକ୍ୟ କହିଛନ୍ତି।
