ଲୋଇସିଂହା,୨୫।୧୨(ସୁଶାନ୍ତ ବାରିକ): ବଲାଙ୍ଗୀର ଜିଲା ଲୋଇସିଂହା ଥାନା ଅନ୍ତର୍ଗତ ମାଣ୍ଡିଆପଦର ଛକରେ ହୀରାପୁର ଗ୍ରାମର ମାନସ କୁମାର ପଧାନଙ୍କୁ ମରଣାନ୍ତକ ଆକ୍ରମଣ ହୋଇଥିବା ନେଇ ଅଭିଯୋଗ ହୋଇଛି। ଅଭିଯୋଗ ଆଧାରରେ ଦଫା ୩୪୧,୨୯୪, ୩୨୪, ୩୨୩, ୫୦୬, ୩୦୭, ୩୪ରେ ଲୋଇସିଂହା ଥାନାରେ ଏକ ମାମଲା( ୩୪୧/୨୩) ରୁଜୁ ହୋଇଛି।
ପୋଲିସ ସୂଚନା ଅନୁଯାୟୀ, ହୀରାପୁର ଗ୍ରାମର ମାନସ ପଧାନ ଓ ରଞ୍ଜନ ପଧାନ ମାଣ୍ଡିଆପଦର ଛକସ୍ଥିତ ଏକ ଚିକେନ ସେଣ୍ଟରକୁ ବକେୟା ଟଙ୍କା ଦେବାକୁ ଯାଇଥିଲେ। ଏହି ସମୟରେ ମାଣ୍ଡିଆପଦର ଗ୍ରାମର ଆଶିଷ ସାହୁ ଓ ଲଟୁ ପାଣ୍ଡେ ଗାଳିଗୁଲଜ କରିଥିଲେ। ପରେ ଏକ ଧାରୁଆ ଅସ୍ତ୍ରରେ ମାନସଙ୍କ ଉପରେ ସେମାନେ ଆକ୍ରମଣ କରିଥିଲେ। ଭୟଭୀତ ହୋଇ ସେଠାରୁ ଜୀବନ ବଞ୍ଚାଇ ଦୌଡି ପଳାଇଥିଲେ ମାନସ। ଆକ୍ରମଣରେ ତାଙ୍କ ମୁଣ୍ଡରେ ଗଭୀର ଆଘାତ ଲାଗଛି।
