ଭବାନୀପାଟଣା,୭।୫(ଉତ୍ତମ କୁମାର ଦାଶ): କଳାହାଣ୍ଡି ଲୋକସଭା ସ୍ବାଧୀନ ପ୍ରାର୍ଥୀ ନରେଶ ହିଆଲଙ୍କୁ କେତେକ କେତେକ ଦୁର୍ବୃତ୍ତ ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି। ଆକ୍ରମଣରେ ନରେଶ ଗୁରୁତର ହୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି।
ମୂଚନା ଯୋଗ୍ୟ, ନରେଶ ପ୍ରଚାର ପାଇଁ ଭବାନୀପାଟଣା ଯାଉଥିଲେ। ହେଲେ କର୍ଲାପଡ଼ା ନିକଟରେ ୩ଜଣ ଦୁର୍ବୃତ୍ତ ତାଙ୍କୁ ଅଟକାଇ ଠେଙ୍ଗାରେ ଅତର୍କିତ ଆକ୍ରମଣ କରିଥିଲେ। ଫଳରେ ତାଙ୍କ ଶରୀରର ବିଭିନ୍ନ ସ୍ଥାନରେ ଆଘାତ ଲାଗିଛି।
ଗୁରୁତର ଅବସ୍ଥାରେ ତାଙ୍କୁ ଭବାନୀପାଟଣା ଡାକ୍ତରଖାନାରେ ଭର୍ତ୍ତି କରାଯାଇଛି। ଆକ୍ରମଣର କାରଣ ଜଣାପଡି ନାହିଁ। ଏହା ଏକ ରାଜନୈତିକ ହିଂସା କାଣ୍ଡ ବୋଲି ଅନୁମାନ କରାଯାଉଛି।
ସ୍ବାଧୀନ ପ୍ରାର୍ଥୀଙ୍କୁ କେଉଁ କାରଣରୁ ଆକ୍ରମଣ କରାଗଲା ତାହା ସ୍ପଷ୍ଟ ହୋଇ ନାହିଁ। ଏନେଇ ଭବାନୀପାଟଣା ସଦର ଥାନା ଅଧୀନ କର୍ଲାପଡ଼ା ଫାଣ୍ଡିରେ ଏକ ଏତଲା ଦିଆଯାଇଛି। ଏତଲାକୁ ଭତ୍ତି କରି ପୋଲିସ ଏକ ମାମଲା ରୁଜୁ କରି ତଦନ୍ତ କରୁଛି।
ଏନେଇ କଳାହାଣ୍ଡି ଲୋକସଭାର ସ୍ବାାଧୀନ ପ୍ରାର୍ଥୀ ନରେଶ କହିଛନ୍ତି, ସେ ଏକ ବୈଠକରେ ଯୋଗ ଦେବାକୁ ଭବାନୀପାଟଣା ଯାଉଥିଲେ। ହେଲେ ବାଟରେ ତାଙ୍କୁ ୨ରୁ ୩ଜଣ ଯୁବକ ଅଟକାଇ ମରଣାନ୍ତକକ ଆକ୍ରମଣ କରାଯାଇଥିଲେ। ଆକ୍ରମଣକାରୀଙ୍କୁ ସେ ଚିହ୍ନି ନାହାନ୍ତି। ହେଲେ ସେ ପୋଲିସ ଉପରେ ତାଙ୍କର ବିଶ୍ୱାସ ରଖିଛନ୍ତି। ପୋଲିସ ଆକ୍ରମଣକାରୀଙ୍କୁ ଖୋଜି ବାହାର କରିବ ବୋଲି ସ୍ବାଧୀନ ପ୍ରାର୍ଥୀ ଆଶ ପ୍ରକଟ କରିଛନ୍ତି।
