ବଲାଙ୍ଗୀର, ୧।୧(ସୁନିଲ କୁମାର ମହାନ୍ତି): ବଲାଙ୍ଗୀର ସହର ତୁଳସୀନଗରପଡାରେ ଜିରୋ ନାଇଟ ସେଲିବ୍ରେଶନ ସମୟରେ ଖଣ୍ଡାରେ ଆକ୍ରମଣ ହୋଇଛି। ଏଥିରେ ଦୁଇଜଣ ଗୁରୁତର ଆହତ ହୋଇଛନ୍ତି। ଆକ୍ରମଣକାରୀ ଦୁଇ ଯୁବକ ଫେରାର ହୋଇଯାଇଛନ୍ତି। ଡିସେମ୍ବର ୩୧ ତାରିଖ ଜିରୋ ନାଇଟ ସେଲିବ୍ରେଶନ ସମୟରେ ବଲାଙ୍ଗୀର ସହରର ତୁଳସୀନଗରପଡର ଗଳି ରାସ୍ତାରେ କିଛି କିଶୋରଙ୍କ ସହ କିଛି ଯୁବକମାନେ ଜିରୋନାଇଟ ସେଲିବ୍ରେଶନ କରୁଥିଲେ । ଏହି ସମୟରେ ଦୁଇଜଣ ଯୁବକ କ୍ଷୀପ୍ର ଗତିରେ ଏକ ବାଇକରେ ପିଲାମାନେ ନାଚୁଥିବା ସ୍ଥାନକୁ ଧସେଇ ପଶିଥିଲେ । ସେଇ ବାଇକ ଧକ୍କାରେ ଜଣେ ଯୁବକ ଆହତ ହୋଇଥିଲେ । ଏହି ଘଟଣାକୁ ନେଇ ସ୍ଥାନୀୟ ଯୁବକମାନେ ସେଇ ବାଇକ ଆରୋହୀ ଦୁଇ ଯୁବକଙ୍କୁ ଦ୍ରୁତ ଗତିରେ ବାଇକ ଚଲାଇବାକୁ ମନା କରିଥିଲେ। ବାଇକରେ ଥିବା ଦୁଇ ଯୁବକ ଖଣ୍ଡା ବାହାର କରି ସେଠାରେ ନାଚୁଥିବା ଯୁବକଙ୍କ ଉପରେ ଆକ୍ରମଣ କରିଥିଲେ। ଆକ୍ରମଣରେ ତୁଳସୀନଗରପଡା ମଧୁସୂଦନ ବଗର୍ତି ଏବଂ ଅଗ୍ନିକୁମାର ବିଶି ଗୁରୁତର ଆହତ ହୋଇଛନ୍ତି। ମଧୁସୂଦନଙ୍କ ହାତରେ ଏବଂ ଅଗ୍ନିଙ୍କ ମୁଣ୍ଡରେ ଆଘାତ ଲାଗିଛି। ଦୁଇଜଣଙ୍କୁ ଗୁରୁତର ଅବସ୍ଥାରେ ବଲାଙ୍ଗୀର ଭୀମଭୋଇ ମେଡିକାଲ କଲେଜ ହସ୍ପିଟାଲରେ ଭର୍ତ୍ତିି କରାଯାଇଛି । ଆକ୍ରମଣକାରୀଙ୍କ ଭିତରୁ ଜଣକର ନାଁ ବବଲୁ ଷାଣ୍ଢ ବୋଲି ଅଭିଯୋଗ ହୋଇଛି । ଅନ୍ୟଜଣଙ୍କର ନାଁ ଜଣାପଡ଼ିନାହିଁ । ଅଭିଯୁକ୍ତମାନେ ଫେରାର ହୋଇଯାଇଛନ୍ତି । ବଲାଙ୍ଗୀର ଟାଉନ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
