ପ୍ୟାରିସ,୯।୨ : ଭାରତରେ ବାର୍ଷିକ ୫.୩ ପ୍ରତିଶତ ହାରରେ ବିଦ୍ୟୁତ ଚାହିଦା ୨୦୨୨ ରେ ୮.୪ପ୍ରତିଶତରେ ପହଞ୍ଚିଛି। କୋଭିଡ ମହାମାରୀ ପରେ ଦେଶର ଦ୍ରୁତ ପୁନଃରୁଦ୍ଧାର ଏହାର କାରଣ ଥିଲା। ଏହା ସହିତ ମାର୍ଚ୍ଚରୁ ଜୁଲାଇ ପର୍ଯ୍ୟନ୍ତ ପ୍ରବଳ ଉତ୍ତାପ ଯୋଗୁ ଚାହିଦା ବୃଦ୍ଧି ପାଇଥିଲା। ପ୍ୟାରିସର ଅନ୍ତର୍ଜାତୀୟ ଶକ୍ତି ଏଜେନ୍ସି (ଆଇଇଏ) ବୁଧବାର ଏହାର ନୂତନ ରିପୋର୍ଟରେ ଏହା ଉଲ୍ଲେଖ କରିଛି। କରିଛି। ଏଜେନ୍ସି ଆକଳନ କରିଛି ଯେ ୨୦୨୩ ରୁ ୨୦୨୫ ମଧ୍ୟରେ ଭାରତରେ ବିଦ୍ୟୁତ ଚାହିଦା ୫.୬ ପ୍ରତିଶତ ହାରରେ ବଢ଼ିପାରେ।
ରିପୋର୍ଟ ଅନୁଯାୟୀ, ମାର୍ଚ୍ଚ ୨୦୨୨ରେ ଗତ ୧୦୦ ବର୍ଷ ମଧ୍ୟରେ ଦେଶ ପାଇଁ ସବୁଠାରୁ ଉତ୍ତପ୍ତ ମାସ ବୋଲି ପ୍ରମାଣିତ ହୋଇଥିଲା। ଏପ୍ରିଲରୁ ଜୁଲାଇ ମଧ୍ୟରେ ମଧ୍ୟ ୨୦୨୧ ତୁଳନାରେ ବିଦ୍ୟୁତର ହାରାହାରି ଚାହିଦା ୧୪ ପ୍ରତିଶତ ଅଧିକ ଥିଲା। ଜୁନ ୧୦ ରେ, ୨୧୧ ଗିଗାଓ୍ବାଟ ବିଦ୍ୟୁତ ଚାହିଦାର ଏକ ରେକର୍ଡ ସୃଷ୍ଟି ହୋଇଥିଲା। ଫଳସ୍ବରୂପ, ଚାହିଦା ବାର୍ଷିକ ଅଭିବୃଦ୍ଧି ହାର ୮.୪ ପ୍ରତିଶତରେ ପହଞ୍ଚିଥିଲା। ଯାହା ଚାଇନାର ୨.୬ ପ୍ରତିଶତ ଅଭିବୃଦ୍ଧିଠାରୁ ବହୁ ଅଧିକ। ୨୦୧୫ ରୁ ୨୦୧୯ ମଧ୍ୟରେ ଚାଇନାରେ ଏହା ହାରାହାରି ୫.୪ ପ୍ରତିଶତ ଅଭିବୃଦ୍ଧି ଘଟିଛି।
ଅନ୍ୟପକ୍ଷରେ, ରିପୋର୍ଟରେ ଦର୍ଶାଯାଇଛି ଯେ ଆସନ୍ତା ତିନି ବର୍ଷ ମଧ୍ୟରେ ଅର୍ଥାତ ୨୦୨୫ ସୁଦ୍ଧା ବିଶ୍ୱର ଅଧା ବିଦ୍ୟୁତ ଶକ୍ତି ଏସୀୟ ଦେଶମାନଙ୍କ ଦ୍ୱାରା ଖର୍ଚ୍ଚ ହେବ। ଏଥିମଧ୍ୟରୁ ଚାଇନା ଶୀର୍ଷରେ ଅଛି। ଚାଇନା ୩୩ ପ୍ରତିଶତ ବିଦ୍ୟୁତ ଶକ୍ତି ଖର୍ଚ୍ଚ କରିବ। ଆମେରିକା, ୟୁଏଇ ଏବଂ ଭାରତ ମିଳିତ ଭାବରେ ବ୍ୟବହାର ହେଉଥିବା ବିଦ୍ୟୁତଠାରୁ ଏହା ଅଧିକ ।
