ନୂଆଦିଲ୍ଲୀ,୨୧।୮: ଏସିଆ କପ ୨୦୨୩ ପାଇଁ ସୋମାବାର ଭାରତୀୟ ଦଳ ଘୋଷଣା ହୋଇଛି, କିନ୍ତୁ ଦଳରେ ଏକ ବଡ଼ ପରିବର୍ତ୍ତନ ଦେଖାଯାଇଛି। ଦଳର ଷ୍ଟାର ସ୍ପିନର ୟୁଜବେନ୍ଦ୍ର ଚହଲଙ୍କୁ ୧୭ଜଣିଆ ଦଳରେ ସୁଯୋଗ ମିଳିନାହିଁ। ଦଳରେ ସ୍ପିନର ଅଲରାଉଣ୍ଡର ଅକ୍ଷର ପଟେଲଙ୍କୁ ସୁଯୋଗ ଦିଆଯାଇଛି। ଏଥି ସହିତ କୁଲଦୀପ ଯାଦବଙ୍କୁ ମୁଖ୍ୟ ସ୍ପିନର ଭାବରେ ସାମିଲ କରାଯାଇଛି।
ଏହା ବ୍ୟତୀତ ରବିନ୍ଦ୍ର ଜାଡେଜାଙ୍କୁ ସ୍ପିନ ବିଭାଗରେ ଦେଖିବାକୁ ମିଳିବ। ଜଣେ ମୁଖ୍ୟ ସ୍ପିନରଙ୍କ ସହ ୧୭ ଜଣିଆ ଭାରତୀୟ ଦଳରେ କେବଳ ୩ଜଣ ସ୍ପିନରଙ୍କୁ ସୁଯୋଗ ଦିଆଯାଇଛି। ଏଭଳି ପରିସ୍ଥିତିରେ ଟିମ ଇଣ୍ଡିଆ ଏହି ଯୋଜନା ସହିତ କେତେ ସଫଳତା ହାସଲ କରିପାରିବ ତାହା ଦେଖିବାକୁ ଆକର୍ଷଣୀୟ ହେବ।
