ଭୁବନେଶ୍ୱର,୧୬।୯(ବ୍ୟୁରୋ): ମିଛ ଷଡ଼ଯନ୍ତ୍ରରେ ନିଜେ ଫସିଲେ ପତିତବାବନ ପୃଷ୍ଟି। ଅପହରଣର ମିଛ ନାଟକ ରଚି ବନ୍ଧା ହେଲେ ପତିତପାବନ। ଗୁରୁବାର ଧଉଳି ପୋଲିସ ଥାନାରେ ପତିତପାବନ ଓ ତାଙ୍କ ବାନ୍ଧବୀଙ୍କ ବୟାନ ରେକର୍ଡ କରାଯାଇଛି। ତାଙ୍କ ବାନ୍ଧବୀ ନିଜ ଇଚ୍ଛାରେ ଯାଇଥିବା ସହ ଏହା ଅପହରଣ ନୁହେଁ କହିଛନ୍ତି। ଏହାସତ୍ତ୍ୱେ ପତିତପାବନଙ୍କୁ ପୋଲିସ କବଳରୁ ବଞ୍ଚାଇ ପାରି ନାହାନ୍ତି। ମିଛ ଅପହରଣର ଭ୍ରମ ସୃଷ୍ଟି କରିବା ଅଭିଯୋଗରେ ତାଙ୍କୁ ଗିରଫ କରାଯାଇଛି।
ଭୁବନେଶ୍ୱର ଡିସିପି ଉମାଶଙ୍କର ଦାସ କହିଛନ୍ତି, ସମ୍ପୃକ୍ତ ଯୁବକଙ୍କୁ ମଧ୍ୟପ୍ରଦେଶରୁ କାବୁ କରି ଗୁରୁବାର ଭୁବନେଶ୍ୱର ଅଣାଯାଇଛି। ତାଙ୍କୁ ଧଉଳି ଥାନାରେ ପଚରାଉଚରା କରାଯିବାରୁ ସେ ସ୍ବିିଗିରେ ଚାକିରି କରୁ ନ ଥିବା ଜଣାପଡ଼ିଛିି। ସେ ବିବାହିତ ଥିଲେ ମଧ୍ୟ ନିଜ ବାନ୍ଧବୀଙ୍କ ସହ ରହିବାକୁ ଚାହୁଁଥିଲେ। ସ୍ତ୍ରୀ ତଥା ଘର ଲୋକଙ୍କଠାରୁ ଏହାକୁ ଲୁଚାଇବାକୁ ସେ ମିଛ ଅପହରଣ ନାଟକ ରଚିଥିଲେ। ଏ ନେଇ ଚାଞ୍ଚଲ୍ୟ ସୃଷ୍ଟି ହୋଇଥିଲା। ଏହା ଅପରାଧିକ କାର୍ଯ୍ୟକଳାପ ହୋଇଥିବାରୁ ତାଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି।
ଅନ୍ୟପକ୍ଷରେ ସ୍ତ୍ରୀ ଅହଲ୍ୟା କହିଛନ୍ତି, ମୋର ବିଶ୍ୱାସ ଅଛି ମୋ ସ୍ବାମୀ ମୋ ପାଖକୁ ଫେରି ଆସିବେ। ମୋତେ ନିଶ୍ଚିତ ନ୍ୟାୟ ମିଳିବ। ଯଦି ମୋ ସେ ନ ଆସନ୍ତି, ତା’ହେଲେ ତାଙ୍କ ନାଁରେ କେସ କରିବି।
